Avval xabar berganimizdek, yurtimiz qorilari Ramazon oyida bir nechta xorijiy davlatlarda diniy-ma’rifiy tadbirlarda ishtirok etib, taroveh namozlarini ado etib bermoqdalar. Xususan, hozirgi kunda AQSHda bo‘lib turgan Murodjon qori Kabirov kuni kecha O‘zbekistonning Vashington shahrida joylashgan elchixonasida tashkil etilgan iftorlik tadbirida ishtirok etdi. Murodjon qoriga tadbirda Turikiston – Amerika jamiyati rahbari hamrohlik qildi. Iftorlik dasturxoniga AQSHdagi boshqa elchixona vakillari ham mehmon bo‘ldilar.

Shuningdek, Ukraina davlatida bo‘lib turgan Xudoyberdi qori ham bir qator tadbirlarda ishtirok etmoqda. Jumladan, Ukraina musulmonlari idorasi huzuridagi “al-Mohir” Qur’on yodlash bo‘limi talabalari o‘rtasida o‘tkazilayotgan Qur’on tilovati musobaqalarida hakam sifatida, qorilarning chiqishlarini baholab bormoqda.

Qorilarimizning xorijdagi safarlari ana shunday samarali davom etmoqda. 

Maqsud KARIMOV 

O‘MI Xalqaro aloqalar bo‘limi xodimi