Ibn Umardan (roziyallohu anhu) rivoyat qilinadi: “Rasululloh (sollallohu alayhi va sallam) dedilar: “Yer yuzidagi har bir ekinga, daraxtlardagi har bir mevaga, erning qa'ridagi har bir urug'ga “Bismillahir rohmanir rohim. Bu falonchining rizqidir”, deb yozib qo'yilgan”.

Farzand o'g'ilmi, qizmi Allohning ne'mati hisoblanadi. Bunday vaqtlarda yigitlarimiz “Zurriyodimni davomchisi bo'lishi kerak. O'g'il ko'rmasdan o'tamanmi?” yoki “Shuncha qizni   boqish, uzatishni o'zi bo'ladimi?”, demasdan, ayoliga  ruhiy madadkor bo'lishi kerak. Chunki Alloh taolo Qur'oni karimda marhamat qiladi:

“(Ey, insonlar!) Bolalaringizni qashshoqlikdan qo'rqib o'ldirmangiz – ularga ham, sizlarga ham Biz rizq berurmiz. Ularni o'ldirish, shubhasiz, katta xatodir. (Isro, 31 oyat).

Alloh taolo kimlargadir o'g'il, kimlargadir qiz farzandlar ato etadi. Ba'zilariga esa farzandsizlik nasibdir. Ko'pchilikka esa o'g'il-qiz aralash beriladi. Bu ilohiy taqsimot bandalarining sinovi uchundir. Binobarin, bandasidan ne'matga shukr va musibatga sabr matlubdir.

O'zbekiston musulmonlari idorasi mutaxassisi

Munira ABUBAKIROVA