Germaniya universitetlarining birida mollar bilan sinov o‘tkazishdi. Gap shundaki, ular Islom shariati usulida so‘yilgan hayvon so‘yilish asnosida qanday og‘riq his qilishi yoki qilmasligini aniqlash uchun EEG deb ataluvchi miyaning holatini kuzatuvchi elektr sxemasini o‘rnatishdi. Bu orqali hayvonning og‘riqni his qilgan yoki qilmaganini va agar qilgan bo‘lsa, uning darajasini aniqlamoqchi bo‘lishdi.

Tajriba o‘tkazish uchun qora mol tanlandi va Islom shariati usulida so‘yildi.
So‘yishdan keyingi dastlabki 3 soniya ichida miya elektr sxemasida hech qanday o‘zgarish aniqlanmadi, bu esa mol og‘riq his qilmaganligidan dalolat beradi. Keyingi 3 soniya mobaynida ular molning hushidan ketganini kuzatishdi. Bu katta miqdorda qon chiqishi va miyaga qon yetkazilishi keskin to‘xtagani sababli sodir bo‘ldi.
Jami 6 soniya o‘tgach, EEG miya elektr sxemasi to‘xtadi, ya’ni mol o‘ldi va hech qanday og‘riqni his qilmadi.
Odatda kishilar jonliqni so‘yish jarayonida u qattiq og‘riqni his qiladi, deb o‘ylaydilar va unga achinishadi.

Islom shariati uslubida so‘yish deganda hayvonning ikki yo‘g‘on tomirlari (arteriyalari), nafas yo‘li va qizilo‘ngachi kesiladi, ammo bosh to‘liq uzib tashlanmaydi.
Bu tarzda so‘yilganda qon va kislorod miyaga yetib bormay qoladi, natijada hayvon bir necha soniya ichida hushini yo‘qotadi va og‘riqni his qilmaydi.
So‘yish paytida hayvonning miyasidagi gipofiz bezi (glande pinéale) orqali buyrak usti bezi (glande surrénale) ga signal beradi, bu signallar orqali adrenalin ajralib chiqadi va miyaga qon yetkazishni tezlashtirishga harakat qiladi. Natijada hayvonning tanasi bir necha daqiqa ichida to‘liq qondan xoliy bo‘ladi.
Shuning uchun ham Islom shariatiga muvofiq so‘yish usuli eng tez va hayvon uchun og‘riqsiz usul hisoblanadi.

Subhanalloh!

Homidjon domla ISHMATBЕKOV