Hushxabar: Yangi diniy-ma'rifiy kitob nashr etildi!
Ayni kunlarda mo'min-musulmon xalqimizning diniy savodxonligini yanada oshirish maqsadida Imom Buxoriy xalqaro ilmiy-tadqiqot markazi tadqiqotchilari tomonidan tarjima qilingan “Musnadi Keshiy” (Hadislar to'plami) asari nashrdan chiqdi. Shuningdek, “Shamoili Buxoriy”, “Kosoniy aqidasi” hamda “Sunani Dorimiydan saylanma hadislar” kitoblari nashrga tayyorlanib, tez kunlarda o'quvchilar e'tiboriga havola etiladi.
Quyida mazkur adabiyotlar haqidagi qisqacha ma'lumotlarni taqdim etamiz:
? Kitob nomi: Musnadi Keshiy (Hadislar to'plami)
?Muallif: Abd ibn Humayd Keshiy
✅ Mazkur asar bugungi kunimiz uchun g'oyat qimmatlidir. Unda ibodatga oid: namoz, ro'za, haj; jamiyat va insonlar o'rtasidagi munosabatlarga oid: sadaqa, savdo, ijara, shartnoma; ijtimoiy axloqqa oid: chiroyli xulq, yaxshi amal, shirinso'zlik; oxirat masalalariga oid: jannat-do'zax va ularning sifatlari, savol-javob kabi masalalarni qamrab olgan hadislar to'plangan. Ayniqsa, bugungi kunimizda dolzarb bo'lgan oila, nikoh haqida ko'p hadis ko'rishimiz mumkin. Har bir mavzu bo'yicha 1 dan 200 tagacha hadis jamlangan. Ular mazmun, ma'no va hukm hamda yo'nalishlarga qarab tartiblangan va 33 ta mavzuni qamrab oladi. Ularda imon, tavhid, taqdir, Qur'oni karim fazilatlari, ilmning ahamiyati, zulmdan yiroqda bo'lish, taomlanish odobi, kiyinish madaniyati, odob-axloq, fazilatli ishlar, bemorni ziyorat qilish va tabobat, fitnalar, dehqonchilik haqidagi hadislar jamlangan.
? Hajmi:
1-kitob – 400 bet
2-kitob – 448 bet
3-kitob– 432 bet
? Bichimi: 70x100 1/16
? Muqovasi: Qattiq
? Nashriyot: Imom Buxoriy xalqaro ilmiy-tadqiqot markazi
? Narx: 336 000 so'm
?? Alifbosi: Kirill
☎️ Murojaat uchun: (66) 240-20-19 | +998712175999
***
? Kitob nomi: Shamoili Buxoriy
?Muallif: Abu Ja'far Muhammad ibn Abu Hotim Varroq
✅ Ushbu risola Imom Buxoriyning shogirdi va kotibi nahvshunos olim Abu Ja'far Muhammad ibn Abu Hotim Varroq Buxoriy qalamiga mansub bo'lib, Muhammad ibn Ismoil Buxoriy tarjimai holiga bag'ishlangan. Asarda Imom Buxoriyning hayoti, ilmiy faoliyati, asarlari haqida qiziqarli ma'lumotlar jamlangan.
? Hajmi: 152 bet
? Bichimi: 84x108 1/32
? Muqovasi: Yumshoq
? Nashriyot: Imom Buxoriy xalqaro ilmiy-tadqiqot markazi
?? Alifbosi: Kirill
☎️ Murojaat uchun: (66) 240-20-19
***
? Kitob nomi: Sunani Dorimiydan saylanma hadislar
?Muallif: Imom Dorimiy
✅Ushbu kitobda Abdulloh ibn Abdurahmon Dorimiyning «Sunani Dorimiy» asarida zikr etilgan ilmning fazilati, odob-axloq, sabrli bo'lish, yaxshilik qilish, savdo-sotiq munosabatlari, meros huquqi va Qur'on fazilatlari kabi saylanma hadislar jamlangan.
Kitob olimlar, mutaxassislar, tadqiqotchilar hamda keng jamoatchilik uchun mo'ljallangan.
? Hajmi: 644 bet
? Bichimi: 70x100 1/16
? Muqovasi: Qattiq
?? Alifbosi: Kirill
? Nashriyot: Tafakkur avlodi
☎️ Murojaat uchun: (66) 240-20-19
***
? Kitob nomi: Kosoniy aqidasi
?Muallif: Alouddin Kosoniy
✅ Ushbu risolada “Malikul ulamo” – “Olimlar podshohi” unvoniga sazovor bo'lgan, islom olamida Alouddin Kosoniy nomi bilan dong taratgan, hanafiylik mazhabining qaror topishi va moturidiylik ta'limotining taraqqiy etishida o'zining beqiyos o'rniga ega bo'lgan faqih va mutakallim Abu Bakr Ahmad ibn Muhammad Kosoniy rahimahullohning hayoti va ilmiy merosi yoritilgan.
? Hajmi: 120 bet
? Bichimi: 84x108 1/32
? Muqovasi: Yumshoq
? Nashriyot: Imom Buxoriy xalqaro ilmiy-tadqiqot markazi
?? Alifbosi: Kirill
☎️ Murojaat uchun: (66) 240-20-19
Ta'kidlash joizki, mazkur kitoblar Din ishlari bo'yicha qo'mitaning xulosasi asosida nashrga tayyorlangan.
O'zbekiston musulmonlari idorasi
Matbuot xizmati
Pol Kapur: «Bu yerda tarixni nafaqat ko‘rasiz, balki uni his qilasiz»
AQSH Davlat kotibining Janubiy va Markaziy Osiyo ishlari bo‘yicha yordamchisi Samir Pol Kapur O‘zbekistondagi Islom sivilizatsiyasi markaziga tashrif buyurdi, xabar bermoqda iccu.uz.
Islom sivilizatsiyasining ko‘p asrlik tarixi, uning ilm-fan, madaniyat va ma’rifat taraqqiyotiga qo‘shgan ulkan hissasi O‘zbekistondagi Islom sivilizatsiyasi markazi ekspozitsiyalarida yaxlit va ta’sirchan tarzda namoyon etilgan. Tashrif davomida Samir Pol Kapur islomgacha bo‘lgan davr sivilizatsiyalaridan tortib, Yangi O‘zbekiston davriga qadar bo‘lgan tarixiy jarayonlarni aks ettiruvchi galereyalar, buyuk allomalarning ilmiy-ma’rifiy merosi, noyob qo‘lyozmalar, muqaddas yodgorliklar hamda zamonaviy raqamli texnologiyalar asosida yaratilgan interaktiv ekspozitsiyalar bilan yaqindan tanishdi.
Mehmon ekspozitsiyalarning mazmunan izchilligi va tarixiy jarayonlarni bir-biri bilan uzviy bog‘liq holda namoyon etish usuliga alohida e’tibor qaratdi. Uning qayd etishicha, bu yerda muzey eksponatlari orqali o‘tmish haqida ma’lumot olish bilan cheklanib qolmay, tarixiy davrlar ruhini his qilish, ular o‘rtasidagi bog‘liqlikni anglash imkoni ham mavjud.
Samir Pol Kapur o‘z taassurotlarini quyidagicha ifodaladi:
«Bu muhtasham maskan. Islom tarixi va madaniyatining asrlar davomidagi taraqqiyoti bilan yaqindan tanishish men uchun unutilmas tajriba bo‘ldi. Bu yerda tarixni shunchaki kitob sahifalari orqali emas, balki o‘z ko‘zingiz bilan ko‘rasiz, uni his qilasiz va go‘yo o‘sha davrlarning ichida bo‘lasiz. Shu bois ushbu noyob maskanni barpo etishga hissa qo‘shgan barcha insonlarga samimiy minnatdorchilik bildiraman.
Yoshlarga ham bu yerga kelishni albatta tavsiya qilaman. Chunki bu maskan nafaqat tarixni o‘rganish, balki o‘tmish bilan kelajak o‘rtasidagi uzviy bog‘liqlikni anglash imkonini beradi. Men uchun eng esda qolarli lahzalardan biri Qur’oni karimga bag‘ishlangan golografik namoyish bo‘ldi. U menda katta taassurot va hayajon uyg‘otdi.
Menimcha, bu dargoh islom sivilizatsiyasining jahon tamadduniga qo‘shgan ulkan hissasini butun dunyoga namoyon etishga xizmat qiladi. Shuning uchun har bir inson bu yerga tashrif buyurib, ana shu boy va bebaho meros bilan shaxsan tanishishi lozim».
Pol Kapurning fikricha, Markazning ahamiyati uning tarixiy merosni namoyon etish bilangina cheklanmaydi. Ushbu maskan yosh avlod uchun o‘tmish saboqlarini anglash, ilm-fan va ma’rifatning sivilizatsiya taraqqiyotidagi o‘rnini his etish, milliy va umuminsoniy qadriyatlarga hurmat ruhini shakllantirish uchun ham muhim ma’naviy-ma’rifiy maydon vazifasini o‘taydi.
Tashrif yakunida AQSH Davlat kotibining Janubiy va Markaziy Osiyo ishlari bo‘yicha yordamchisi Samir Pol Kapur Islom sivilizatsiyasi markazidan olgan taassurotlari yuksak ekanini qayd etib, ushbu maskan boy tarixiy merosni zamonaviy muzey texnologiyalari va ta’sirchan taqdimot usullari orqali jahon jamoatchiligiga yetkazishda muhim ahamiyat kasb etishini ta’kidladi.
O‘zbekiston musulmonlari idorasi Matbuot xizmati
