Turkiyaning yahudiy jamoasi turli diniy konfessiyalar o‘rtasidagi o‘zaro hurmatni namoyish etish maqsadida minglab musulmonlar uchun iftorlik tashkil etgani ma’lum qilindi.
"Anadolu" agentligining xabariga ko‘ra, Turkiyaning Edirna shahrida mingdan ortiq musulmon ishtirok etgan iftorlik tashkil etilgan. Bu singari iftorlik bu yil to‘rtinchi marta tashkil etilayotgani va yildan yilga ko‘pchilikning diqqat-e’tiboriga sazovor bo‘layotgani aytilgan.
O‘MI Matbuot xizmati
Joriy yil 2-4 aprel kunlari O‘zbekiston davlat jismoniy tarbiya va sport universitetida sportning Bahodirlar o‘yini va tosh ko‘tarish turlari bo‘yicha barcha yosh toifalari o‘rtasida bellashuv o‘tkazildi.
400 dan ortiq polvonlar o‘rtasida Toshkent islom instituti 2-kurs talabasi Bobonazarov Muhammad Sodiq tosh ko‘tarish turi bo‘yicha 18-23 yoshlilar orasida 95 kg+ vazn toifasida faxrli 2-o‘rinni oldi.
Shuningdek, Muhammad Sodiq 2025 yil 26 aprel sanasida o‘tkaziladigan Jahon kubogida ishtirok etish yo‘llanmasini qo‘lga kiritdi.
Musobaqani Bahodirlar o‘yini va tosh ko‘tarish federatsiyasi prezidenti Voxiddin Najmiddinov, ginnes rekordchi va professional sportchilar kuzatib bordilar. Musobaqa yakunida g‘oliblarga Sport vazirligi tomonidan diplom va esdalik sovg‘alari topshirildi.