Kecha, 23 may kuni “Xadichai Kubro” ayol-qizlar o‘rta maxsus Islom bilim yurtida Poshshaxon Eshonxon qizining “Ayol – mo‘tabar zot” nomli kitobining taqdimoti bo‘lib o‘tdi.
Taqdimotga Toshkent shahri ayrim tuman bosh otinoyilari, bilim yurti talaba qizlari hamda xodimalari va mehmonlar taklif etildi.
Taqdimot, taomilga ko‘ra, Qur’on tilovati bilan boshlandi.
Tadbirni bilim yurti mudirasi Nozima Ibragimova kirish va tabrik so‘zi bilan ochib berdi.
Taqdimot marosimida so‘zga chiqqanlar ushbu kitob ayollarga oid eng zarur fiqhiy masalalarni o‘z ichiga olgani bilan ahamiyatli ekani, shuningdek kitob keng ommaga, xususan, otinoyilar uchun ham muhim qo‘llanma bo‘lgani, ayniqsa, savol-javob tarzida yozilgani, kitobxonga juda manfaatli bo‘lishini aytib o‘tishdi.
Barcha yig‘ilganlar mudarrisa, kitob muallifi Poshshaxon Eshonxon qizining kelgusi ijodiga ulkan muvaffaqiyatlar tilashdi.
Taqdimot yakunida yig‘ilganlarga kitoblar ulashildi.
O‘MI Matbuot xizmati
Bugun, 11 avgust kuni Qashqadaryo viloyati (3-hudud) Qarshi shahridagi Olimpiya va paralimpiya sport turlariga tayyorlash markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2025-2026 o‘quv yili uchun kirish imtihonlari (test) davom etmoqda.
Mazkur jarayonda Din ishlari bo‘yicha qo‘mita va O‘zbekiston musulmonlari idorasi mas’ul rahbarlari, diniy ta’lim muassasalari mutasaddilari, imtihon oluvchi pedagog-o‘qituvchilar, abituriyentlar ishtirok etmoqda.
Dastlab abituriyentlar tartib bilan kiritilib, mutasaddilar tomonidan test imtihonini o‘tkazilish tartibi va baholash mezonlari tushuntirildi. Shundan so‘ng test sinovlariga start berildi.
Ma’lumot o‘rnida joriy yilda oliy va o‘rta maxsus islom ta’lim muassasalariga o‘qishga kirish uchun abituriyentlar qaysi fanlar bo‘yicha test sinovlari topshirilishi haqida xabar bergan edik.
Imtihon jarayonlari haqidagi so‘nggi yangiliklarni @qabulmuslimuz telegram sahifasida kuzatib boring.
O‘zbekiston musulmonlari idorasi
Matbuot xizmati