Rossiya Federatsiyasining Saratov shahrida Ramazon oyida davomida I Yevrosiyo Qur’oni karim tilovati xalqaro musobaqasi bo‘lib o‘tadi. Ushbu musobaqa 2018 yilning 19 – 20 may kunlari o‘tkazilishi ko‘zda tutilgan.
Musobaqaga Yevropa va Osiyo mamlakatlaridan 11 nafar, shuningdek Rossiya Federatsiyasining 12 viloyatidan 30 ta qori ishtirok etishi qayd etildi.
Ushbu musobaqada ishtirok etish uchun “Muhammad ibn Ahmad al-Beruniy” islom bilim yurti 4-kurs talabasi Pirxonov Nasibullo qori bugun, 18 may kuni Saratov shahriga jo‘nab ketadi.
O‘zbekistonlik qori “Qur’on hofizi” yo‘nalishida g‘oliblik uchun bellashuvga kirishadi.
Musoboqa muxlislar orasida ham qizg‘in borishi uchun musobaqa chiptalariga “Muborak Haj ziyorati” sovrini qo‘yilgan.
Musobaqa haqida xabarlarni muslim.uz saytida kuzatib boring.
Abdulloh Parpiyev,
Xalqaro aloqalar bo‘limi mutaxassisi
Imom-xatiblar faoliyatini yanada samarali tashkil etish bo‘yicha ko‘chma seminar bugun respublikamizning Qorao‘zak va Taxtako‘pir tumanlarida tashkil etildi. Qorao‘zak tumanidagi markaziy "Idris eshon" jome masjidida Qoraqalpog‘iston musulmonlari qoziyoti qozisi Bahramaddin Razov boshchiligida soha xodimlari, mahalla raislari va ziyoratchilar ishtirokida yig‘ilish o‘tkazilib, sayyor tadbirda amalga oshiriladigan ishlar ko‘lami tushuntirildi.
Ishchi guruh a’zolari Qorao‘zak va Taxtako‘pir tumanlarining 5 ta masjidi va 19 ta mahallasiga biriktirildi. Ular o‘zlariga biriktirilgan mahalla hududidan 101 ta muammoli xonadonga kirib, o‘sha yerda yashayotganlarning holidan xabar oldi, yashash sharoitlari bilan yaqindan tanishdi va suhbatlashdi. Ularning muammolari o‘rganilib, fikr-mulohazalari tinglandi. Imom-xatiblar 10 ta toifaga mansub 101 ta oilaga ma’naviy-ma’rifiy, targ‘ibot-tashviqot va amaliy yordam tadbirlarini olib bordi.
Shuningdek, masjidlar atrofida obodonlashtirish va tozalash ishlarini olib borish, ish yuritish, jamoani boshqarish jihatlari ham o‘rganildi.
Ishchi guruh a’zolari o‘zlariga biriktirilgan masjidlarda peshin namozini o‘qib, yig‘ilgan qavmga, "Tinchlik baxti. Shukronalik. Ilm olish fazilati. Yot g‘oyalar ta’siridan saqlanish. Missionerlik harakatlarining salbiy oqibatlari" kabi dolzarb mavzularda ma’ruzalar qildi.
Tadbir yakunida amalga oshirilgan ishlar tahlil qilinib, Qorao‘zak va Taxtako‘pir tumanlari imom-xatiblarining ma’naviy-ma’rifiy, masjid boshqaruvidagi ishlariga ko‘rsatma va tavsiyalar berildi.
Tashrif davomida qoziyot qozisi boshchiligidagi ishchi guruh a’zolari Qorao‘zak tumanidagi "Idris eshon" masjidining yangidan qurilayotgan binosining qurilish ishlari bilan tanishdi.
B.ABBAZOV,
Qoraqalpog‘iston musulmonlari qoziyoti xodimi