O‘zbek qorilari xorij masjidalirda taroveh namozlarini ado etib bermoqda.
Qadimdan yurtimizdan yetishib chiqqan diniy ulamolar va qorilarga xorij davlatlarida katta hurmat bilan qaralgan. O‘zbekiston mustaqillikka erishgandan so‘ng diniy ta’limga katta e’tibor berildi. Buning natijasi o‘laroq yurtimizdan yuzlab, minglab qorilar yetishib chiqdi va chiqmoqda.
Bir necha yildan buyon xorij davlatlari diniy idoralaridan kelgan takliflar asosida qorilarimiz chet mamlakatlarida diniy-ma’rifiy tadbirlarda ishtirok etib, taroveh namozlarini ado etib bermoqdalar.

Joriy yil Ramazon oyida ham qorilarimiz bir qancha davlatlarga, xususan, AQSH, Rossiya, Ukraina kabi mamlakatlarga jo‘nab ketdilar.
Jumladan Turkiston – Amerika jamiyati taklifiga binoan Toshkent shahridagi “Minor” masjidi noib-imomi Kabirov Murodjon qori AQSHga jo‘nab ketdi. U yerda qorimiz Ramazon oyi davomida musulmonlarga taroveh namozini ado etib, diniy – ma’rifiy suhbatlar o‘tkazib berishi rejalashtirilgan.

O‘MI Matbuot xizmati