Diniy idoradan Siz kutgan mega loyiha
Hurmatli portalimiz muxlislari! Siz azizlarni kirib kelayotgan Ramazoni sharif bilan muborakbod etamiz.
Sayt ijodkorlari Sizga mamnuniyat bilan shuni ma’lum qilamizki, anchadan beri amalga oshirishni rejalashtirib yurgan “Muslim Radio” loyihamiz rahmat oyi ostonasida o‘z yakuniga yetdi. Hozirda muxlislarga taqdim etish uchun tayyor bo‘ldi.
Ertaga muborak Ramazon oyining birinchi kunida internet radiomiz o‘z faoliyatini boshlaydi, inshoalloh.
Onlayn radioda sizga manzur va manfaatli bo‘ladigan mavzularda ma’rifiy suhbatlar, dunyoga mashhur qorilar va yurtimiz hofizi Kalomlarining go‘zal tilovatlari hamda “Ming bir hadis”, “Qur’oni karim ma’nolari tarjimasi”, “Ayollar sahifasi”, “Onlayn darslar”, “Ziyoratgohlar”, “Savollarga javoblar”, “Kun yangiliklari” va “Audio kitob” kabi ko‘plab ruknlarda eshittirishlarni tinglab bahramand bo‘lasiz.
Ushbu onlayn radio barchamizga muborak bo‘lsin!
O‘zbekiston musulmonlari idorasi
Matbuot xizmati
Fidokorona xizmat e’tirofsiz qolmaydi
O‘zbekiston musulmonlari idorasi tasarrufidagi "Ko‘kaldosh" o‘rta maxsus islom ta’lim muassasasida ko‘p yillar halol va fidokorona mehnat qilgan xodimamiz Ahmadjonova Nilufar Habibullayevnaning 50 yoshlik yubileyi munosabati bilan ta’lim muassasasi hamda kasaba uyushmasi tomonidan tadbir o‘tkazildi.
Tadbirda ta’lim muassasasi mudiri M. Erkayev, o‘quv ishlari bo‘yicha mudir o‘rinbosari N. Djalolov va manaviy-ma’rifiy ishlar bo‘yicha mudir o‘rinbosari, ta’lim muassasasi kasaba uyushmasi raisi A.G‘aniyev ishtirok etishdi. Muassasa mudiri M. Erkayev muhtarama opamizni shaxsan o‘zi tabriknoma bilan taqdirladi. Esdalik sovg‘alari bilan ham mukofotlandi.
Nilufar opa har kuni tong sahardan ilm dargohiga kelib, uning ozoda, shinam va pokiza bo‘lishiga yillarida sabr, ixlos va sadoqat bilan o‘z hissasini qo‘shib kelmoqda. Bunday kamtarin, ammo qadri baland mehnat barchamiz uchun ibrat namunasidir.
Payg‘ambarimiz sollallohu alayhi vasallam: "Pokizalik iymondandir", deb marhamat qilganlar. Ilm va marifat maskanining ta’minlash — talabalar ustozlarning tinch, toza va barakali ilm olishiga munosib hissa qo‘shadigan ezgu ishdir. Ana beminnat xizmat har qanday e’tirof va ehtiromga loyiqdir.
Bilim yurtimiz o‘z yordamga g‘amxo‘rlik qilishni muhim burch deb biladi. Zero, ilm dargohiga qilingan har bir xizmat — Allohning roziligi yo‘lidagi savobli amaldir. Kim ilm ahliga va ilm maskaniga xizmat qilsa, o‘sha ilmdan taralayotgan ezgulikning ajridan bahramand bo‘lishi umid qilamiz.
Muhtarama opamizga mustahkam sog‘lik-salomatlik, uzoq umr, oila baxti va ishlarida baraka tilaymiz. Alloh taolo halol mehnatlarini ajru mukofotsiz qoldirmasin, qilgan ezgu ishlari va mehnatlarining rohatini ko‘rish uzoq yillar davomida nasib etsin!
"Ko‘kaldosh" o‘rta maxsurs islom ta’lim muassasasi
matbuot xizmati
