Saudiya Arabistonida Ramazonning boshlanish kuni ma’lum qilindi
Avvalroq, mamlakatimizda muqaddas Ramazon oyining joriy yil 17 maydan boshlanishi haqida ma’lum qilingan edi.
Kecha, 15 kuni Saudiya Arabistoni Podshohligi ulamolari oyning harakatini kuzatgan holda 1439 hijriy Sha’bon oyi 30 kun bo‘lishini hamda Ramazon oyining dastlabki kuni 17 may sanasiga to‘g‘ri kelishini ma’lum qildilar. Bu haqda "saudigazette" nashri xabar berdi.
Malayziya, Indoneziya, Singapur, Brunay, Avstraliya va Oman davlatlarida 17 may, payshanba kuni ramazonning birinchi kuni deb e’lon qilindi.
Alloh taolo yurtimizga ushbu muborak oyni barakotli qilsin!
O‘MI Matbuot xizmati
Ilk magistrlar ish bilan ta’minlanib, ilmiy tadqiqotni davom ettirish imkoniyatiga ega bo‘ldi
O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari bitiruvchilarining barchasi ish bilan ta’minlanadi hamda ilmiy tadqiqotlarini davom ettirishni istaganlarga ham munosib imkoniyatlar beriladi.
Shu ana’naga muvofiq, Toshkent islom institutining ilk magistratura bosqichini tamomlagan 10 nafar bitiruvchining barchasi yuz foiz ish bilan ta’minlandi va ilmiy ishlarini davom ettirishlari uchun turli takliflar bildirildi.
Xususan, bitiruvchilar Fatvo markazi, Diniy idoraning hududlardagi markaziy vakilliklari va ilmiy-tadqiqot markazlarida mutaxassis, shuningdek, oliy va o‘rta maxsus diniy ta’lim muassasalarida o‘qituvchi sifatida faoliyat boshlaydi.
Ushbu iqtidorli magistrlar kelgusida ilmiy faoliyatlarini ham davom ettiradi. Xususan, umumiy o‘zlashtirish ko‘rsatkichi yuqori bo‘lgan 3 nafar magistr Toshkent islom institutida ochilishi reja qilingan doktorantura bosqichiga imtiyozli qabul qilinishi aytildi. Shuningdek, ilk magistrlarni O‘zbekiston xalqaro islomshunoslik akademiyasining doktorantura ta’lim bosqichiga maqsadli qabul qilish taklifi ham bildirildi.
Ta’kidlash joizki, raqamli texnologiyalar, xorijiy tillar va chuqur diniy-ilmiy bilimga ega ushbu yuqori malakali kadrlar soha rivoji va aholining diniy-ma’rifiy savodxonligini oshirishga munosib hissa qo‘shadi, insho Alloh.
O‘zbekiston musulmonlari idorasi Matbuot xizmati
