Tibet deganda ko‘pchilikning hayoliga darhol butparastlik keladi. Ammo Tibet aholisining taxminan 2-3 foizini musulmonlar tashkil etishini ko‘pchilik bilmasa kerak.

Nepal musulmon jamoasi oqsoqollari Muhammad Ibrohim va Abdulrahmon Batt Tibet musulmonlari haqida kuyidagi ma’lumotlarni taqdim etishdi. Bu haqda "info.islom" nashri xabar berdi.

1. Musulmonlar butparastlar bilan doim ahil-inoq bo‘lib yashagan.
Tarixiy manbalarga tayanib shuni aytish mumkinki, Nepal, Xitoy va Hindistonlik musulmon sadogarlar Tibetga XIV-XVII asrlarda kelib, bu yerda ko‘nim topganlar. O‘sha paytdan buyon to bugungi kungacha ular mahalliy aholi bilan tinch-totuv umrguzaronlik qilib kelishmoqda.

2. Dalay-lama tibetlik musulmonlarni hech qachon qoralamagan.
Aytishlaricha, Dalay-lama musulmon savdogarlarni Tibetda qolishga undab, ularga turli imtiyozlar bergan hamda masjid va qabriston qurilishi uchun yer ajratgan. Muhammad Ibrohimning ta’kidlashicha, hozirgi Dalay-lama faqatgina musulmon qassob yetkazib turadigan halol go‘shtni tanovul qiladi.

3. Tibet musulmonlari mahalliy madaniyatni asrab qolishga yordam bergan.
1950 yilda Tibet Xitoy tomonidan istilo etilganda mintaqada yashovchi musulmonlarning tili va urf-odatlari to‘laligicha tibetliklarnikiga moslashtirilgan edi. Nepaldagi istagan musulmon xonadoniga tashrif buyursangiz, bu holatni guvohi bo‘lishingiz mumkin.

4. Tibetlik musulmonlarning hijrati.
Xitoy hukumati tomonidan hech qanday tazyiq va bosimga uchramay o‘z tadbirkorligini muvaffaqiyatli davom ettirayotgan tibetlik musulmonlar shu yerda tug‘ilib, unib-o‘sayotgan avlod kelajagidan havotirda ekanliklarini bildirganlar. Shu sababli musulmon jamoasining yoshi ulug‘ vakillari Xitoy kommunistik partiyasidan Hindiston va Nepalga qaytish uchun izn so‘rashgan.

5. Tibet musulmon jamoasi nodavlat farovonlik jamg‘armasini tashkil etib, uning asosiy faoliyati ta’lim sohasi bilan bog‘liq. Tushayotgan zakot hamda hayr-ehson va sadaqa pullari asosan musulmon talabalarga ajratilmoqda.

O‘MI Matbuot xizmati