Fatvo hay’atiga kelgan savollar (11-qism)
Fatvo hay’atiga kelgan savollar (11-qism)
Savollarga O‘zbekiston musulmonlari idorasi Fatvo hay’ati javob beradi.
Savol: Assalomu alaykum! O‘g‘il bolani asrab olsa onaga mahram bo‘ladimi. Rahmat!
Javob: Va alaykum assalom. Yo‘q mahram bo‘lmaydi. Agar bolani asrab olgan chog‘da uning yoshi ikki yarim yoshdan kam bo‘lib, asrab olgan ayol u bolani o‘zining mahram ayollaridan birortasiga emizgan bo‘lsa, bola mahram bo‘ladi.
Savol: Assalomu alaykum. Arvoh kapalaklar rostan ham bormi? Agar bor bo‘lsa, ular (uyimizga, xonamizga....) kelganda nima qilishmiz kerak? Savolimni javobsiz qoldirmaysizlar degan umiddaman!!! Javob uchun oldindan rahmat.
Javob: Va alaykum assalom. Arvoh kapalak yo‘q. Bu kabi gaplar islom aqidasiga zid bo‘lgan bid’at va xurofotdan o‘zga narsa emasdir.
Savol: Assalomu alaykum azizlar savolim shundan iborat. Ramazon oyida ro‘za tutgan odam albatta 5 vaqt namoz o‘qishi shart ekan bo‘lmasa tutgan ro‘zam qabul bo‘lmas ekan shu rostmi? Javob uchun oldindan rahmat.
Javob: Va alaykum assalom. Ro‘zani tutish qanchalik farz amal bo‘lsa namoz ham shunday farzdir. Musulmon kishi bu ikki amalni bajarishga birdek amr qilingan. Shu o‘rinda shuni ham bilib qo‘ymog‘imiz lozimki namoz ro‘za har biri alohida-alohida ibodatlardir. Birini tark qilish bilan ikkinchisini ham tark qilish lozim degan narsa kelib chiqmaydi.
Allohim, ofiyatda qil va shifo ber
Bismillahir Rohmanir Rohiym
Ali roziyallohu anhudan rivoyat qilinadi: «Men kasalimdan shikoyat qilib: «Allohim, agar ajalim yaqinlashgan bo‘lsa, meni rohatlantir, agar ajalimni kechiktirgan bo‘lsang, mendan kasallikni ko‘tar. Agar balo keltirgan bo‘lsang, menga sabr ber», deb aytayotganimda, nogahon oldimdan Rasululloh sollallohu alayhi vasallam o‘tib qoldilar. Va: «Nima deding?» deb so‘radilar. Men aytganlarimni takrorladim. U zot oyoqlari bilan meni turtib: «(Yo‘q,)
اللهُمَّ عَافِهِ أَوْ اشْفِهِ
«Allohumma ’afihi» yoki «Allohumma ishfihi» (Allohim, ofiyatda qil yoki shifo ber), deb ayt», dedilar. Men ana shu kundan keyin kasallikdan shikoyat qilmadim» (Imom Termiziy rivoyati).
