Shvetsiyada juma kuni azon chaqirilishiga ruxsat berildi
Shvetsiyaning Kronoberg shahriga qarashli Vakso provinsiyasida juma kuni azon chaqirilishiga ruxsat berildi. Bu haqda Islam.ru sayti xabar tarqatdi.
Hukumatga tegishli bo‘lgan "SR" radiosi orqali berilgan ma’lumotga qaraganda, politsiya juma kuni soat 13.00 da azon aytilishiga ruxsat bergan.
Musulmonlarning namozga chaqirig‘i maktab va davlat muassasalari joylashgan hududlarda 45 detsibelldan, qolgan holatlarda esa 110 detsibelldan oshmasligi zarurligi qayd etilgan.
Ma’lumot uchun, Shvetsiyada azon ilk bor 5 yil avval Stokholmdagi Botkirka provinsiyasida jaranglagan edi.
O‘MI Matbuot xizmati
Birovning telefoniga nazar solish mumkinmi?
Bismillahir Rohmanir Rohiym
Savol: Birovning telefoni va undagi ma’lumotlarni ruxsatsiz ko‘rish mumkinmi? Chunki ba’zan avtobus, metro kabi ommaviy transport vositalarida ayrim shaxslarning shunday ishlar qilayotganiga guvoh bo‘lib qolamiz?
Javob: Bismillahir Rohmanir Rohiym. Yo‘q, birovning telefonidan uning ruxsatisiz foydalanish yoki undagi ma’lumotlarni o‘qish shar’an to‘g‘ri emas. Bu birovning uyiga ruxsatsiz mo‘ralash, xatiga ruxsatsiz qarash kabidir. Zero, bu ishlar Qur’on va hadislarda man etilgan.
Ammo agar murabbiy (ota, ustoz va hokazo) qo‘l ostida tarbiyalanayotgan shaxsning to‘g‘ri yo‘ldan og‘ishidan shubha qilsa, u holda tarbiya maqsadida o‘z qo‘l ostidagi shaxsning telefonini tekshirishiga ruxsat beriladi. Balki ular vaqti-vaqti bilan bolalar va ularga tegishli narsalarni nazorat qilib turishlari kerak, toki ular to‘g‘ri yo‘ldan og‘masinlar. Vallohu a’lam.
O‘zbekiston musulmonlari idorasi
Fatvo markazi