“Devonaboy” jome masjidida katta bayram!
2018 yilning 27-aprel kuni viloyatimiz aholisi uchun unutilmas kun bo‘ldi desak aslo mubolag‘a bo‘lmaydi. Sababi kuni kecha viloyatimiz bo‘ylab o‘tkazilgan Qur’on karim musobaqalarida g‘oliblikni qo‘lga kiritgan Anndijon farzandi Ubaydulloh qori Isaqov joriy yilning 21-24 aprel kunlari Toshkent shahrida o‘tkazilgan “O‘zbekiston Qur’on musobaqasi-2018”ning Respublika bosqichida faxrli birinchi o‘rinni qo‘lga kiritdi.
Shu bois Andijon shahridagi “Devonaboy” jome masjidida juma namozidan avval “O‘zbekiston Qur’on musobaqasi-2018”ning Respublika bosqichida Andijon viloyatidan ishtirok etib, faxrli birinchi o‘rinni qo‘lga kiritgan Ubaydulloh qori Isaqovning tantanali kutib olish va taqdirlash marosimi o‘tkazildi.
Taqdirlash marosimida O‘MIning Andijon viloyati vakili, viloyat bosh imom-xatibi N.Xoliqnazarov so‘zga chiqib, Ubaydulloh qori timsolida uning ota-onasi, ustozlarini ham qutlab, o‘zining ezgu tilaklarini bildirdi. Tadbirga tashrif buyurgan Andijon viloyati hokimi Sh.Abdurahmonov, barcha yig‘ilganlarni ushbu g‘alaba bilan tabrikladi hamda
Yurtboshimiz tomonidan mamlakatimizda amalga oshirilayotgan islohatlar, muqaddas dinimizni asrab-avaylash yo‘lida amalga oshirilayotgan keng ko‘lamli isloxotlar hususida gapirib, butun Respublikamiz bo‘ylab o‘tkazilgan Qur’oni karim musobaqasining maqsadi va mohiyati to‘g‘risida keng tushunchalar berib o‘tdi.
Shundan so‘ng, “O‘zbekiston Qur’on musobaqasi-2018”ning Respublika bosqichida Andijon viloyati sha’nini munosib himoya qilgan, Respublikada birinchi o‘rinni qo‘lga kiritgan Ubaydulloh qori Isaqovga Andijon viloyati hokimi Sh.Abdurahmonov Neksia-3 avtoulovini tantanali ravishda sovg‘a qildi.
Shuningdek, g‘olib va uning ota-onasiga O‘MIning Andijon viloyat vakilli tomonidan sovg‘alar va tashakkurnomalar topshirildi.
Tadbir so‘ngida Yurtimizning tinchligi va osoyishtaligi, halqimizning farovonligi hamda yurtboshimizning xaqqiga duoi-xayrlar qilindi.
O‘MI Matbuot xizmati
Madina shahri nima uchun “Toyyiba” deb ataladi?
Madina shahri Islom tarixida bir nechta nomlar bilan atalgan. Ulardan eng mashhurlaridan biri “Toyyiba”dir.
Islomdan oldin shahar Yasrib deb atalgan. Bu nom “ayblash” va “yomonlash” kabi ma’nolarni anglatadi.
Muhammad sollallohu alayhi vasallam shaharga hijrat qilganlarida, unga yangi nom berdilar. U zot alayhissalom shaharni “go‘zal” va “poklangan” ma’nosini anglatuvchi “Toyyiba” deb atadilar.
Shuningdek, Toyyibaga yaqin bo‘lgan va o‘xshash ma’noni anglatuvchi “Toba” nomi ham ushbu shahar uchun ishlatilgan.
Madinada topilgan VIII asrga oid qoyatosh yozuvida shahar Toyyiba nomi bilan atalgan. Bu esa ushbu nom Islomning ilk asrlaridanoq qo‘llanib kelinganini ko‘rsatadi.
Toyyiba bilan bir qatorda, shahar muayyan tarixiy jihatlarini aks ettiruvchi yana bir necha nomlar bilan ham tanilgan:
| Nomi | Ma’nosi |
| Madina | Shahar |
| Madinatu Nabiy | Payg‘ambar shahri |
| Madinai Munavvara | Munavvar shahar |
| Dorul Hijra | Hijrat diyori |
Po‘latxon Kattayev,
Toshkent islom instituti katta o‘qituvchisi
