Sayt test holatida ishlamoqda!
11 Yanvar, 2025   |   11 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:48
Peshin
12:36
Asr
15:33
Shom
17:17
Xufton
18:36
Bismillah
11 Yanvar, 2025, 11 Rajab, 1446
Avvalgi sayt
#search
 YouTube

Tanishing: Abbos ibn Abdulmuttolib (roziyallohu anhu)

19.04.2018   5589   1 min.
Tanishing: Abbos ibn Abdulmuttolib (roziyallohu anhu)

Abbos ibn Abdulmuttolib roziyallohu anhuning nasablari Payg‘ambar sollallohu alayhi vasallamning nasablarining o‘zi. Abbos rohiyallohu anhu Abdulmuttolibning kichkina o‘g‘illaridan biri hisoblanadi.

Abbos roziyallohu anhu Rasululloh sollallohu alayhi vasallamning amakilari bo‘lish bilan birga, u kishidan ikki-uch yoshgina katta bo‘lganlar xolos. Abbos ibn Abdulmuttolib juda ham chiroyli, ko‘rkam va oppoq odam edilar. Kunyalari Abulfazl edi.

Hijriy 32-sanada Rajab oyining o‘n ikkinchisida Madinaning Avoliy dahasida sakson sakkiz yoshlarida vafot etdilar. U kishining janozalarini Usmon ibn Affon roziyallohu anhu o‘qidilar.

 

Orif AHMЕDOV

Sirdaryo viloyati vakilligi xodimi

O‘MI Matbuot xizmati

Siyrat va islom tarixi
Boshqa maqolalar
Maqolalar

To‘lamagan yo‘lkiralarimni qanday ado etaman?

10.01.2025   2938   1 min.
To‘lamagan yo‘lkiralarimni qanday ado etaman?

Cavol: Kollejda o‘qib yurgan vaqtlarimda ba’zan avtobusdan yo‘lkirani bermasdan tushib ketardim. Bu ishning og‘ir gunoh ekanini anglab yetdim. Buni qanday to‘g‘rilasam bo‘ladi? Taxminiy hisoblab, sadaqa qilsam bo‘ladimi?

Javob: Bismillahir Rohmanir Rohiym. Siz bu ishingiz uchun avvalo istig‘for aytib, tavba qilasiz. To‘lamagan yo‘lkiralaringizni taxminiy hisoblaysiz hamda o‘zingiz foydalangan avtobuslar boshqarmasidan yo‘lkiralar to‘lanadigan hisob raqamlari bo‘lsa, qarzlaringizni shunga o‘tkazib qo‘yasiz va shu bilan zimmangizdagi yukdan qutilasiz, inshaalloh. Agar ularda bunday imkoniyat bo‘lmasa, sadaqa qilib yuborasiz.

Shuni yodda tutish lozimki, birovlarning haqlari eng avvalo egasiga qaytarish shart bo‘ladi. Egasi yoki uning merosxo‘rlarini topishning iloji umuman bo‘lmagandagina uning nomidan sadaqa qilinadi. Vallohu a’lam.

 

O‘zbekiston musulmonlari idorasi
Fatvo markazi.

Maqolalar
#logo