Bugun, 16 aprel kuni Toshkent shahrida Imom Termiziy xalqaro ilmiy-tadqiqot markazi tomonidan tashkil etilgan "Imom Termiziy ilmiy merosining Islom tamadduni rivojidagi ahamiyati" nomli ilmiy seminar o‘z ishini boshlaydi.

Ushbu seminarni tashkil etishda Saudiya Arabistoni Informatsiya va arab-rus tadqiqotlari markazi ham ishtirok etmoqda. Ilmiy seminar Qur’oni karim tilovati bilan boshlanib, O‘zbekiston musulmonlari idorasi raisi, muftiy Usmonxon Alimov hazratlari, Imom Termiziy ilmiy-tadqiqot markazi direktori Ubaydulla Uvatov, Din ishlari bo‘yicha qo‘mita raisi Ortiqbek Yusupovlar ishtirok etadilar.

Seminarda xorijlik mutaxassislardan Informatsiya va arab-rus tadqiqotlari markazi raisi doktor Majid ibn Abdulaziz at-Turkiy, Majlis ash-Sho‘ro sobiq a’zosi, hadisshunos olim Shayx Doktor Folih ibn Muhammad as-Sag‘iyr va boshqalar ishtirok etmoqdalar.

Seminar to‘g‘risidagi qo‘shimcha ma’lumotlarni portalimizda yoritib boramiz. "Muslim.uz"ni kuzatishda davom eting!

O‘MI Matbuot xizmati