Tanishing: Ja’far ibn Abu Tolib
Ja’far ibn Abu Tolib (roziyallohuanhu) xilqatda ham xulqda ham Nabiy (sollallohu alayhi va sallam)ga o‘xshardi. Bu haqda Payg‘ambarimiz (sollallohu alayhi va sallam): “Ey Ja’far sen xilqat va xulq jihatdan menga o‘xshaysan”, deganlar.
Abu Hurayra (roziyalllohu anhu)dan rivoyat qilinadi: “Nabiy (sollallohu alayhi va sallam): “Ja’farni jannatda farishtalar bilan uchib yurganini ko‘rdim”, dedilar” Shuning uchun Ja’far (roziyallohu anhu) “Ja’farut tayyor (uchuvchi Ja’far)” laqabini olgan.
Abu Hurayra (roziyallohu anhu) aytadi: “Ja’far ibn Abu Tolib kambag‘al-bechoralarni va miskinlar juda yaxshi ko‘rardi. Ular bilan birga bo‘lib, ularga yaxshiliklar qilib, xizmatlarini bajarardi. Shu sabab Payg‘ambarimiz (sollallohu alayhi va sallam) Ja’far (roziyallohu anhu)ga “Miskinlar otasi” deb kunya berganlar”
O‘MI Matbuot xizmati
“Orta Lectura”: O‘zbekiston xavfsiz sayyohlik yo‘nalishi sifatida o‘z mavqeini mustahkamlamoqda
Ispaniyaning “Orta Lectura” nashrida O‘zbekistonda turizm sohasida amalga oshirilayotgan islohotlarga bag‘ishlangan maqola e’lon qilindi, deb xabar bermoqda “Dunyo” AA.
Maqolada qayd etilishicha, so‘nggi yillarda O‘zbekiston turli nufuzli xalqaro reytinglarda hamda xorijiy davlatlarning sayyohlar uchun tavsiyalarida yuqori xavfsizlik darajasiga ega mamlakatlardan biri sifatida e’tirof etilmoqda.
World Justice Project (WJP) tomonidan e’lon qilingan “Rule of Law Index 2025” natijalariga ko‘ra, O‘zbekiston “Tartib va xavfsizlik” ko‘rsatkichi bo‘yicha 143 ta mamlakat orasida 17-o‘rinni, Sharqiy Yevropa va Markaziy Osiyodagi 15 ta mamlakat orasida esa 1-o‘rinni egalladi.
WJP indeksi 215 mingdan ortiq fuqarolar hamda 4 ming 100 nafardan ziyod huquqshunos va ekspertlar o‘rtasida o‘tkazilgan so‘rovnomalarga asoslangani bilan ahamiyatlidir.
“Gallup” kompaniyasining “2025 Global Safety Report” ma’ruzasida ta’kidlanishicha, O‘zbekiston aholisining 86 foizi kechasi yolg‘iz yurganda o‘zini to‘liq xavfsiz his qiladi. Bu ko‘rsatkich dunyo bo‘yicha o‘rtacha 73 foizlik darajadan sezilarli darajada yuqoridir. Shu bilan birga, “Law and Order Index”ning kengroq ko‘rsatkichi bo‘yicha mamlakatimiz 100 dan 91 ball to‘pladi.
Institute for Economics & Peace tomonidan tuziladigan “Global Peace Index 2026” natijalariga ko‘ra, O‘zbekiston o‘z pozitsiyasini 30 pog‘onaga yaxshilab, 163 ta mamlakat orasida 1,726 ko‘rsatkich bilan 37-o‘ringa ko‘tarildi. 2026 yilgi rasmiy hisobotda mamlakatimiz tinchlik ko‘rsatkichlari eng yuqori sur’atda yaxshilangan davlatlar qatoriga kiritildi.
AQSH Davlat departamenti “Travel Advisories” tizimida O‘zbekistonga “Level 1 – Exercise Normal Precautions” darajasini, ya’ni “Odatiy ehtiyot choralariga rioya qilish” tavsiyasini bergan. 2026 yil yanvarda yangilangan tavsiyanomada xavf darajasi oshirilmadi. Bu AQSH Davlat departamenti tomonidan xalqaro sayohatlar uchun belgilanadigan eng past xavf darajasi hisoblanadi.
O‘zbekiston musulmonlari idorasi Matbuot xizmati
