Imom Termiziy o'rta maxsus islom ta'lim muassasasi talabalari “18 may – Halqaro muzeylar kuni” munosabati bilan ta'lim muassasasi 2-bosqich talabalari “Termiz arxeologiya muzeyi”ga sayohat uyushtirdi.

Termiz arxeologiya muzeyi mamlakatimizdagi yagona arxeologiya muzeyi bo'lib, ixtisoslashtirilgan muzeylardan biridir. Ushbu muzey shahrimizdagi ko'hna Surxon vohasining ming yillik tarixi qayta tiklanadigan diqqatga sazovor maskanlardan biridir. 
 

Termiz arxeologiya muzeyi foye, 9 ta asosiy ko'rgazma zali, numizmatik ko'rgazma zali, yapon arxeologi Kato Kyuzoga bag'ishlangan ko'rgazma zali, kichik ko'rgazma zali va ayvon ostidagi galereyadan iborat. Muzeyda nodir qo'lyozmalar va adabiyotlar saqlanadigan kutubxona ham mavjud. Vestibyulda bronza davridan (miloddan avvalgi 3-2 ming yilliklar) eramizning 15-asrigacha bo'lgan topilmalar bor; 

 

Bu zalda paleolit, mezolit, neolit va eneolit davrlariga oid eksponatlar saqlanadi. II zal “Surxon vohasi bronza davrida” (miloddan avvalgi 3-2 ming yilliklar) deb nomlanib, shu davrga oid eksponatlar namoyish etilgan. III xona “Qadimgi Baqtriya madaniyati” (miloddan avvalgi 1-ming yillik boshlari — miloddan avvalgi IV asr oxiri) deb nomlanib, Surxon vohasining oxirgi bronza va ilk temir davrlariga oid moddiy madaniyat namunalaridan iborat. IV zal – Iskandar Zulqarnayn va ellinistik davlatning Baqtriya madaniyati (miloddan avvalgi 329-yil – miloddan avvalgi 2-asr o'rtalari) Zalda Makedoniyalik Iskandarning bosqinidan to Yunon-Baqtriya podsholigining qulashigacha bo'lgan, o'zida mujassamlangan eksponatlar mavjud. Numizmatika ko'rgazmalar zalida numizmatikaga oid qimmatbaho buyumlar va topilmalar o'z o'rnini egallaydi. Ayvon ostidagi galereyada katta hajmdagi eksponatlar joylashgan. Kutubxonada 3700 dan ortiq qo'lyozma, tarixiy adabiyot va badiiy kitoblar mavjud. 2020-yil holatiga ko'ra, Termiz arxeologiya muzeyi fondidagi eksponatlarning umumiy soni 100 mingdan ortiq. Ulardan 70 mingdan ortiq arxeologiya va 30 mingga yaqin eksponatlar numizmatika fondiga tegishli.