Sirdaryo tumanida "Ahmad ibn Malik" masjidi ochildi. U viloyatda rasmiy ro‘yxatdan o‘tgan 74-masjid bo‘ldi.
Masjidning tantanali ochilish marosimida Sirdaryo viloyati hokimi G‘afurjon Mirzayev, Adliya boshqarmasi boshlig‘i Shokir Saidov, O‘zbekiston musulmonlari idorasi raisi o‘rinbosari Ibrohim Inomov va Sirdaryo viloyati bosh imom-xatibi Mo‘minjon Usmonov ishtirok etib, yurtdoshlarimizni masjid ochilishi bilan qutlashdi.
Masjid ochilgani shukronasiga jonliq so‘yilib, muhtoj oilalarga tarqatildi.
Yangi masjidning imom-xatibi vazifasiga tayinlangan Ulug‘bek Qobilovga Adliya boshqarmasining guvohnomasi topshirildi.
Namozxonlar masjidda ikki rakat shukrona namozini o‘qib, bunday xayrli ishlarning boshida turgan yurtboshimiz Shavkat Mirziyoyev va mutasaddilar haqiga duolar qildilar.
O‘MI Matbuot xizmati
Abu Muso roziyallohu anhudan rivoyat qilinadi. Nabiy alayhissalom: «Qur’onni o‘qish va yodlashda bardavom bo‘linglar. Jonim qo‘lida bo‘lgan Zotga qasamki, Qur’on ipini yechib, qochib ketish borasida tuyadan ham tezroq», dedilar (Imom Buxoriy, 5033; Imom Muslim, 791).
Ibn Umar roziyallohu anhumodan rivoyat qilinadi. Rasululloh sollallohu alayhi vasallam: “Qur’onni yod olgan (Qur’onni o‘ziga do‘st tutgan) kishining misoli bog‘lab qo‘yilgan tuyaning misoliga o‘xshaydi. Agar qattiq turib, uni bog‘lashda bardavom bo‘lsa, tuyasini saqlab qoladi. Agar bo‘sh qo‘sa, ketib qoladi”, dedilar (Imom Buxoriy, 5031; Imom Buxoriy, 789).
Abdulloh ibn Mas’ud roziyallohu anhudan rivoyat qilinadi. Rasululloh sollallohu alayhi vasallam: “Kimningdir men falon-falon oyatni sedan chiqardim, deb aytishi qanday ham yomon. Balki, u sedan chiqartirildi. Qur’onni (o‘qish bilan uni) esda saqlanglar. Chunki u kishilarning qalbidan ketib qolishda tuyalardan ham tez”, dedilar.
"Qur’on fazilatlari haqida qirq hadis" kitobidan