Sayt test holatida ishlamoqda!
12 Yanvar, 2025   |   12 Rajab, 1446

Toshkent shahri
Tong
06:24
Quyosh
07:48
Peshin
12:36
Asr
15:34
Shom
17:18
Xufton
18:37
Bismillah
12 Yanvar, 2025, 12 Rajab, 1446

Said Ahmad Buxoriy: “Ota-bobolarimiz yurtida din va ma’rifat yo‘lida bo‘layotgan ishlarni ko‘rib, quvondik”

19.03.2018   3037   6 min.
Said Ahmad Buxoriy: “Ota-bobolarimiz yurtida din va ma’rifat yo‘lida bo‘layotgan ishlarni ko‘rib, quvondik”

19 mart kuni yurtimizda mehmon bo‘lib turgan Hindistonning Dehli shahri jome masjidi bosh imomi Said Ahmad Buxoriy boshchiligidagi delegatsiya Diniy idoraga tashrif buyurdi. Mehmonlarni Din ishlari bo‘yicha qo‘mita, O‘zbekiston musulmonlari idorasi, Islom sivilizatsiyasi markazi, Islom akademiyasi va O‘zbekistonga oid xorijdagi madaniy boyliklarni tadqiq etish markazi rahbarlari kutib olishdi.
Din ishlari bo‘yicha qo‘mita raisi Ortiqbek Yusupov mehmonlarni tashrif bilan qutlab, Prezidentimiz tashabbuslari bilan diniy-ma’rifiy merosni o‘rganish va Islom ma’rifatini keng yoyish borasida qilinayotgan ishlar haqida gapirib berdi. Jumladan, Samarqandda Imom Buxoriy, Surxondaryoda Imom Termiziy xalqaro ilmiy-tadqiqot markazlari, joylardagi kalom, hadis, fiqh, aqida, tasavvuf ilmiy maktablari faoliyati haqida so‘z yuritildi.

 


Muftiy Usmonxon Alimov hazratlari mo‘min-musulmonlarning diniy ehtiyojlarini ta’minlash, ibodatlarini hanafiy mazhabi va moturidiya aqidasi asosida ado etish yo‘lida diniy idora yaqindan ko‘mak berib kelayotgani ta’kidladilar. Muftiy hazratlari so‘zlarida davom etib, ziyorat turizmini rivojlantirishda ko‘p ishlar bajarilgani, chet ellik mo‘min-musulmonlar uchun sharoitlarni hozirlash kabi ishlarning barchasi mana shunday mehmonlar uchun ekanini gapirib, Samarqand, Surxondaryo va Buxoro viloyatlaridagi bunyodkorlik ishlari shu maqsadga yo‘naltirliganini alohida qayd qildilar.
Islom sivilizatsiyasi direktori Shoazim Minovarov davlatimiz Rahbari tashabbusi bilan tashkil etilgan Islom sivilizatsiyasi, Islom akademiyasi va O‘zbekistonga oid xorijdagi madaniy boyliklarni tadqiq etish markazlarini tashkil etishdan ko‘zlangan maqsad, nodir asarlarni jamlash, saqlash va o‘rganish hamda mana shunday ilmiy-ma’naviy merosni targ‘ib qilish orqali Islom dinining asl mohiyatini butun dunyoga yetkazish ekanini qayd qildi. Sh.Minovarov o‘tgan yili may oyida Hindistonda saqlanadigan Qur’oni karimning eng qadimiy nusxasi O‘zbekistonga taqdim etilgani uchun minnatdorlik izhor qildi.

 


Muloqot davomida delegatsiya rahbari Said Ahmad Buxoriy so‘zga chiqib, O‘zbekistonga safarni amalga oshirishda yaqindan yordam bergan barchaga minnatdorlik bildirib, shunday dedi: – Mamlakatingizga bir necha bor tashrif buyurganman. Lekin avvallari yurtingizni ziyorat qilishda ayrim cheklovlar va Islom ma’rifatini yoyishda ba’zi to‘siqlar bor edi. Bu galgi tashrifim butunlay boshqacha bo‘ldi. Davlatingiz rahbari boshchiligida islomiy qadriyatlarni tiklash yo‘lida qilinayotgan ishlar bizni juda xushnud qildi. Ota-bobolarimiz yurtida din va ma’rifat yo‘lida bo‘layotgan mana shunday ishlarni ko‘rib, juda quvondik.
– Bu yurtga kelishimdan avval bo‘layotgan ijobiy o‘zgarishlar haqida ma’lumotlar bilan tanishib chiqdim. Sizning yurtingizda Islomni targ‘ib etish maqsadida Imom Buxoriy xalqaro ilmiy-tadqiqot markazi, olimlarni yetishtirish uchun Islom akademiyasi, ilmiy saviyani oshirish bo‘yicha ilmiy maktablar tashkil etilganidan hayratlandim. Prezidentingiz juda yaxshi tushungan inson sifatida ma’naviyat va Islom ma’rifatiga e’tibor qilish orqali barcha sohalarda muvaffaqiyatga erishmoqda. Haqiqatan, Islom dini buzg‘unchilikka mutlaqo qarshi va tinchlik dini ekanini barchaga yetkazish kerak, dedi Dehli shahri jome masjidi bosh imomi.

 


Said Ahmad Buxoriy janoblari so‘zida davom etib, ziyorat turizmini rivojlantirish borasida qilinayotgan ishlarni qo‘llab-quvvatladi va o‘zining takliflarini taqdim etdi. Jumladan, O‘zbekistonning ziyorat turizm salohiyatini targ‘ib etish bo‘yicha Toshkent shahri, Samarqand va Buxoro viloyatlarida alohida veb-sayt ochish foydali ekani, shuningdek, hindistonlik umra ziyoratiga boruvchilarni O‘zbekiston orqali Saudiya Arabistoniga olib borish ikki tomon uchun ham manfaatli bo‘lishini izhor qildi. U so‘zining yakunida safardan qaytgandan keyin, albatta, 250 millionlik jamoasiga O‘zbekiston haqida so‘zlab berishi va yaqin kunlarda bir guruh vakillarini jo‘natishini ma’lum qildi.

Hindistonlik islomshunos olim, professor Iftixor Ahmad janoblari so‘zga chiqib, Said Ahmad Buxoriy haqida iliq fikrlarni bildirdi. Jumladan, bosh imom Hindistondagi 250 million aholiga yetakchilik qilishi, ularning haq-huquqlarini himoya qilish va muammolarini bartaraf etishda shijoat bilan harakat qilishini bildirdi.

 


Iftixor Ahmad yurtimizdagi tasavvuf va shariat ilmlarini o‘rganishga bo‘layotgan e’tiborni qo‘llab-quvvatlab, mana shunday murakkab davrda Islom ta’limotini o‘rganishga katta hissa qo‘shayotganlari uchun Prezidentimizga minnatdorlik bildirdi. Shuningdek, Davlatimiz Rahbari xalq manfaatini hamma narsadan ustun qo‘yayotgani, bu yo‘lda tinmay mehnat qilayotgani va ulamolar bilan kengashib ish ko‘rayotganlariga yuksak baho berdi. U Markaziy Osiyo mamlakatlari o‘rtasidagi aloqalar mustahkamlanib borayotganiga alohida urg‘u qaratib, ushbu hududdagi davlatlar o‘rtasidagi iliq munosabatlarni rivojlanishi va do‘stona aloqalarni tiklanishi bugungi tahlikali davrda juda katta foyda berishini izohladi.
Uttarakand shtati shariat ishlari bo‘yicha bosh maslahatchisi Mavlono Zohid Raza Rizvi so‘zga chiqib, dunyoning bir qator mamlakatlariga tashrif buyurgani, lekin O‘zbekistonga tashrifi qalbini sururga to‘ldirganini izhor qildi. Bosh maslahatchi janoblari O‘zbekiston xalqi bilan ma’naviy yaqinlik borligi, aslida musulmonlar o‘zaro birodar ekani, tashrif davomida huddi ko‘p yillik qadrdon kabi munosabatda bo‘linganini aytib, minnatdorlik bildirdi. U so‘zining oxirida mana shunday ulug‘vor ishlarni Hindistonga qaytib borgandan keyin, albatta, mo‘min-musulmonlarga bayon etishlarini ta’kidladi.
Tashrif yakunida O‘zbekiston musulmonlari idorasi, Islom sivilizatsiyasi markazi, Islom akademiyasi bilan Hindistonning Dehli shahri jome masjidi o‘rtasida hamkorlik qilish to‘g‘risida memorandum imzolandi. Mehmonlar Toshkent shahridagi “Hazrati Imom” majmuasini ziyorat qilishdi.
Uchrashuv do‘stona va samimiy ruhda o‘tdi.

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Buxoro imom-xatiblari sayyor yig‘ilish o‘tkazdi

11.01.2025   5302   1 min.
Buxoro imom-xatiblari sayyor yig‘ilish o‘tkazdi

Shu yilning 9 yanvar kuni O‘zbekiston musulmonlari idorasi Buxoro viloyati vakili viloyat bosh imom-xatibi Jobir domla Elov rahbarligida Vobkent tumanida faoliyat ko‘rsatayotgan masjidlar imom-xatib, imom-noib, mahalla domlalari va nuroniy otaxonlar ishtirokida sayyor yig‘ilish bo‘lib o‘tdi.


Sayyor yig‘ilish davomida barcha imom-xatib va imom-noiblar o‘zlariga biriktirilgan MFYlar bilan muntazam aloqada bo‘lib, yoshlar tarbiyasiga katta e’tibor qaratishi, ilm-ma’rifatga qiziqtirish va yosh avlod kelajagi uchun mustahkam poydevor yaratish kabilarni alohida ta’kidlandi. Shundan so‘ng barcha imom-xatiblar mahalla nuroniylari bilan o‘zlariga biriktirilgan mahallalarga chiqishdi.


Shu kunning o‘zida sayyor qabul ishtirokchilari 50 dan oshiq xonadon holidan xabar oldi. Jumladan, Ko‘liodina mahallasida yashovchi yuz yoshni qarshilagan mehnat faxriylarini ziyorat qildi. So‘ngra shu mahallada istiqomat qiluvchi birinchi guruh nogironlari, moddiy ko‘makka muxtojlar, ijtimoiy ko‘makka  muhtojlarning xonadonlaridan xabar olinib, ma’naviy-ma’rifiy suhbatlar uyushtirildi va homiylar ishtirokida moddiy jihatdan ko‘maklar berildi.


Shuningdek, Viloyat bosh imomi rahbarligida hamda Vobkent tumanidagi imom-xatiblar ishtirokida 2024 yil zamonaviy loyihalar asosida qurilgan 120 o‘rinli 12-maktabgacha ta’limda vatanimiz kelajagi bo‘lmish jajji bolalar bilan uchrashib, ularga xursandchilik ulashildi.


Kunning ikkinchi qismida viloyat bosh imom-xatibi Jobir domla Elov tumandagi  Abdulazizxon jome masjidida peshin namozida bo‘lib, yig‘ilgan jamoatga "Shukronalik", "Sof islom ta’limoti", "Tinchlik ne’mati" mavzularida ma’viza qildi va keng jamoat ishtirokida yurtimiz haqqiga duoi xayrlar so‘raldi. 

O‘zbekiston musulmonlari idorasi 
Buxoro viloyati vakilligi 
Matbuot xizmati

Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi Buxoro imom-xatiblari sayyor yig‘ilish o‘tkazdi