O‘zbekiston Respublikasi Prezidenti Shavkat Mirziyoyev Rossiya Federatsiyasi Prezidenti Vladimir Putinni Prezident saylovida erishgan ishonchli g‘alabasi bilan qutladi.
Bu haqda davlat rahbari matuot xizmat xabar bermoqda.
Davlatimiz rahbarining qutlovida bo‘lib o‘tgan saylov natijalari Vladimir Putin rahbarligida amalga oshirilayotgan har tomonlama o‘ylangan, Rossiya jamiyatini birlashtirish, odamlar turmush darajasini yuksaltirish, iqtisodiyot, infratuzilma va davlat boshqaruvini modernizatsiya qilish, davlat suverenitetini qat’iy himoya qilish va Rossiya Federatsiyasining jahonda muhim o‘rin tutgan davlat sifatidagi rolini mustahkamlashga qaratilgan siyosatga Rossiya xalqi tomonidan ulkan ishonch bildirilayotgani va har tomonlama qo‘llab-quvvatlanayotganini yana bir bor namoyish etgani qayd etilgan.
Tomonlarning yaqin muloqoti, siyosiy irodasi hamda amaliy hamkorlikni tubdan kengaytirishga birdek intilishi O‘zbekiston va Rossiya o‘rtasidagi strategik sheriklik va ittifoqchilik munosabatlarini mustahkamlagani alohida ta’kidlandi.
RF Markaziy saylov komissiyasi e’lon qilgan dastlabki natijalargako‘ra, 99,75% ovoz berish byulletenlari qayta ishlab bo‘linganda Putin saylovchilarning 76.67% ovoziga ega bo‘lgan. Uning uchun jami saylovichlarning 54,4 million nafari ovoz bergan. Bu Putin siyosiy karyerasidagi rekord natijadir. Bu ko‘rsatkich 2004 yildagi saylov natijalaridan 5,1 millionga ko‘proqdir.

O‘zbekiston musulmonlar idorasi matbuot xizmati