Taylandda yog'ochdan ulkan Qur'on nusxasi yasaldi
Tailandlik hunarmandlar musulmon sayyohlarni jalb etish maqsadida yog'ochdan Qur'oni karimning ulkan nusxasini yasadilar. Uning bo'yi 3,4 metr, eni 5,3 metr.
Qur'on nusxasini ko'rish uchun Bruney, Malayziya, Indoneziya va Singapurdan sayyohlar tashrif buyurmoqda, deb yozadi IslamNews Bangkok Post nashriga tayanib.
Endilikda tailandlik hunarmandlar Qur'oni karim nusxasini himoyalash uchun ayvon qurish harakatida.
O'zbekiston musulmonlari idorasi Matbuot xizmati
Bayram shukuhi xonadonlarga kirib boryapti
Eng ulug‘, eng aziz bayram – Mustaqillik shodiyonalariga sanoqli kunlar qoldi. Ayyom arafasida kam ta’minlangan, boquvchisini yo‘qotgan, o‘zgalar ko‘magiga muhtoj bemorlar, keksalar holidan xabar olinib, ularga bayram tuhfalari yetkazib berilyapti.
Bugun Toshkent shahar bosh imom-xatibi Abduqahhor domla Yunusov boshchiliklarida imom-domlalar, homiylar poytaxtimizning Olmazor tumanidagi "Islomobod" masjidida yig‘ilib, ehtiyojmand oilalar holidan xabar olishdi.
«Vaqf» xayriya jamoat fondi Toshkent shahar filiali hamda homiylar ko‘magida tayyorlangan oziq-ovqatlar jamlanmasi, shirinliklardan iborat ehsonlar bilan xonadonlarga kirib borildi.
Ko‘ngli o‘ksik insonlar bayram tuhfalarini olib, aziz yurtimizda hech kim mehr va e’tibordan chetda emasligiga yana bir karra amin bo‘lishdi.
Alloh taolo ehsonlarni qabul qilsin. Savoblarini ko‘paytirib bersin!
Toshkent shahar vakilligi
Matbuot xizmati
