Sayt test holatida ishlamoqda!
18 Yanvar, 2025   |   18 Rajab, 1446

Toshkent shahri
Tong
06:22
Quyosh
07:45
Peshin
12:38
Asr
15:41
Shom
17:25
Xufton
18:43
Bismillah
18 Yanvar, 2025, 18 Rajab, 1446

Umar ibn Xattob

15.03.2018   7421   1 min.
Umar ibn Xattob

Ismlari Umar ibn Xattob ibn Nufayl ibn Abduluzzo ibn Raboh ibn Abdulloh ibn Qarat Qurashiy Adaviy roziyallohu anhu. Tarixchilar Umar ibn Xattob roziyallohu anhuni Bani Adiy urug‘idan ekani hamda Makka shahrida, “Fil yili”dan 13 yil o‘tgandan so‘ng tug‘ilganini ta’kidlaydilar. Xalifaliklari o‘n yil davom etdi (634-644 y). Hadis kitoblari va tarixiy manbalarda “Abu Hafs” va “Foruq” degan kunyalari bo‘lgani qayd etiladi. Umar roziyallohu anhu novcha, jussador, oppoq, ikki yanoqlari qizil odam bo‘lganlar. Umar ibn Xattob (r.a.) 23/645 yilning 27-zulhijja chorshanba kuni, 63 yoshida, Mug‘iyra ibn Shu’baning quli Feruz Abu Lu’lu’ tomonidan bomdod namozi paytida yetkazilgan jarohat tufayli vafot etdilar. Janozalari masjidda o‘qildi, Suhayb Rumiy imom bo‘ldilar. Qabrlari muborak “Ravza”da, Rasululloh (sollallohu alayhi vasallam) va Abu Bakr (r.a) ning yonlarida joylashgan.

O‘MI Matbuot xizmati

Siyrat va islom tarixi
Boshqa maqolalar

Tahorat olganda gunohlar yuviladimi?

14.01.2025   3205   2 min.
Tahorat olganda gunohlar yuviladimi?

“Musulmon banda tahorat olganida tana a’zolari poklanishidan tashqari gunohlari ham kechiriladi”, deb eshitganmiz. Bunga dalil bo‘luvchi hadislar bor-mi?

Usmon ibn Affon roziyallohu anhudan rivoyat qilinadi. Rasululloh sollallohu alayhi vasallam: “Kim tahoratni mukammal ado etsa, gunohlari tanasidan, hatto tirnoqlari ostidan chiqib ketadi”, deganlar (Imom Muslim, Imom Nasoiy, Imom Ahmad, Imom Tabaroniy, Imom Bayhaqiy rivoyati).

Odatda, ochiq a’zolardagi kirlar yopiq turgan yoki tirnoq ostida yig‘ilgan kirlarga nisbatan oson poklanadi. Tirnoq ostidagi kirlarni tozalash uchun alohida e’tibor talab etiladi. Bu yerda banda tirnog‘i ostidagi gunohlar ham kechirilishi aytilmoqda. Bu esa tahorat sababidan Alloh va banda o‘rtasidagi kichik gunohlarning birontasi ham qolmay kechirilishiga dalolat qiladi.

Abu Umoma roziyallohu anhu Rasululloh sollallohu alayhi vasallamdan rivoyat qiladi: “Agar musulmon banda tahorat qilsa, gunohlari qulog‘idan, ko‘zidan, ikki qo‘lidan, ikki oyog‘idan chiqib ketadi. Agar o‘tirsa, gunohlari kechirilgan holda o‘tiradi” (Imom Ahmad, Imom Tabaroniy “Avsat”da va Imom Bayhaqiy rivoyati).

Banda tahoratini risoladagidek bajarsa, qulog‘i, ko‘zi, qo‘li va oyog‘i sodir etgan gunohlari kechiriladi. Agar u tahorat qilib bo‘lsa, bironta ham gunohi qolmaydi.

Abdulloh Sunobihiy roziyallohu anhu Rasululloh sollallohu alayhi vasallamdan rivoyat qiladi: “Agar mo‘min banda tahorat qilib, og‘zini chaysa, og‘zidan gunohlari chiqib ketadi. Agar burniga suv olib qoqsa, burnidan gunohlari chiqib ketadi. Agar yuzini yuvsa, yuzidan, hatto ikki ko‘zining chetidan gunohlari chiqib ketadi. Agar ikki qo‘lini yuvsa, qo‘lidan, hatto qo‘lining tirnoqlari tagidan gunohlari chiqib ketadi. Agar boshiga mas'h tortsa, boshidan, hatto ikki qulog‘idan gunohlari chiqib ketadi. Agar ikki oyog‘ini yuvsa, oyog‘idan, hatto oyog‘ining tirnoqlari ostidan gunohlari chiqib ketadi. So‘ngra masjidga borishi, (o‘qigan) namozi unga qo‘shimcha (savob) bo‘ladi” (Imom Nasoiy, Imom Ibn Moja, Imom Molik, Imom Ahmad, Imom Hokim rivoyati).

Ma’lumki, tahorat bilan namoz banda gunohlariga kafforat bo‘ladi. Agar tahoratni mukammal qilib, xushu bilan namoz o‘qilsa, bu namoz orqali banda ko‘p ajrlarga erishadi.