Sayt test holatida ishlamoqda!
24 Fevral, 2025   |   25 Sha`bon, 1446

Toshkent shahri
Tong
05:47
Quyosh
07:05
Peshin
12:41
Asr
16:24
Shom
18:11
Xufton
19:24
Bismillah
24 Fevral, 2025, 25 Sha`bon, 1446

Allohning rahmatidan noumid bo‘lmaylik

9.03.2018   6397   1 min.
Allohning rahmatidan noumid bo‘lmaylik

Alloh taolo bunday marhamat qiladi: “Zero, Allohning rahmatidan faqat kofir qavmgina noumid bo‘lur” (Yusuf surasi, 87-oyat).

Abu Hurayra roziyallohu anhudan rivoyat qilinadi: Payg‘ambarimiz sollalohu alayhi vassallam aytdilar: “Allohning yuzta rahmati bo‘lib, undan bitta rahmatini jinlar, insonlar, hayvonlar va hashoratlar orasiga tushirdi. Ana o‘sha bitta rahmat bilan ular bir-biriga rahm-shafqat ko‘rsatadi, hatto vahshiy hayvonlar o‘z bolasiga mehribon bo‘ladi. Alloh to‘qson to‘qqizta rahmatini olib qoldiki, ular bilan qiyomat kunida bandalarga rahm qiladi” (Mutafaqun rivoyati). 

Albatta, Alloh O‘ziga (biron narsani) sherik qilishni kechirmas. Shundan boshqa gunohlarni O‘zi xohlagan bandalarni uchun kechirur (Niso sura, 48-oyat).

Payg‘ambarimiz sollalohu alayhi vassallam aytdilar: “Yaxshi gumon ibodatning go‘zalligidandir” (Abu Dovud rivoyati).

Alloh barchamizni O‘zini rahmatiga nasib qilsin.

Oybek SAMARQANDIY,

 “Ko‘kaldosh” o‘rta maxsus islom bilim yurti talabasi

O‘MI Matbuot xizmati

 

Maqolalar
Boshqa maqolalar
Maqolalar

Rasululloh ﷺning Ramazon oyi kelishi haqida xushxabarlari

24.02.2025   219   2 min.
Rasululloh ﷺning Ramazon oyi kelishi haqida xushxabarlari

Bismillahir Rohmanir Rohiym

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Rasululloh sollallohu alayhi vasallam sahobalarini Ramazon oyi uchun tayyorgarlik ko‘rishga undar va bu ishni Ramazon oyi ro‘zasining xususiyatlari, unga beriladigan ulkan savoblar haqidagi hadislar bilan amalga oshirar edilar. Bunga dalolat qiladigan hadislar ko‘p. Quyida ularning ayrimlari bilan tanishamiz:

"Agar Ramazon oyi kirib kelsa, osmon eshiklari ochilib, jahannam eshiklari yopiladi va shaytonlar kishanlanadi" (Imom Buxoriy rivoyati, 1899-hadis).

«Ramazon oyining ilk kechasi kirib kelganida, shaytonlar va jinlar kishanlanadi, jahannam eshiklari yopiladi, uning birorta eshigi ochilmaydi, jannat eshiklari ochiladi, uning birorta eshigi yopilmaydi. Bir nido qiluvchi bunday nido kiladi: "Ey yaxshilik istovchi! Kutib ol! Ey yomonlik istovchi! O‘zingni tiy!". Alloh bu oyda bandalarni jahannam olovidan ozod qiladi. Bu har bir kechada bo‘ladi» (Imom Termiziy rivoyati, 682-hadis).

"Sizlarga Alloh taoloning farzi va muborak oy – Ramazon keldi. Uning ro‘zasini tutinglar. Bu oyda osmon eshiklari ochilib, jahannam eshiklari yopiladi va shaytonlar kishanlanadi. Unda Allohning ming oydan yaxshiroq bo‘lgan bir kechasi bor. Kim u kechaning yaxshiligidan mahrum bo‘lsa, (hamma yaxshiliklardan) mahrum bo‘ladi" (Nasoiy rivoyati, 2106-hadis).

«Jannatda «"Rayyon" nomli bir eshik bor. Undan qiyomat kuni ro‘zadorlar kiradi. Ulardan boshqa hech kim kirmaydi. U kunda: "Ro‘zadorlar qayerda?" deb nido qilinadi. Shunda ro‘zadorlar o‘rinlaridan turadilar. Ulardan boshqa hech kim Rayyon eshigidan kira olmaydi. Ro‘zadorlar kirib bo‘lgach, eshik yopiladi, shundan keyin u eshikdan hech kim kirmaydi» (Imom Buxoriy rivoyati, 1797-hadis).

Bu ulug‘ sunnatni targ‘ib qilish, bu chaqiriq va xushxabarlarni ovoza qilish, odamlarga Ramazon fazilati va barakotini yetkazish, bu oyda fursatni g‘animat bilib, ulkan savoblarga erishish va saodat sari chorlash barchamizning munosib vazifamiz sanaladi. Mo‘min-musulmon bandalar Ramazon kirib kelishidan qalbidan mamnuniyat tuyishi, Ramazonga alohida tayyorgarlik ko‘rishga, Ramazon oyidagi savob va ajrlardan to‘liq istifoda etishga, turli lazzat va taomlarga mahliyo bo‘lmasdan, ibodatga ko‘proq e’tibor qaratishga undashi ayni muddaodir. Afsuski, ko‘plab insonlar Ramazon kirib kelganini bilmay qolishadi, ro‘za tutsa-da, ro‘zaning maqsadini to‘liq anglamaydi. Shu bois Alloh taolodan hidoyat va to‘g‘ri yo‘ldan adashtirmasligini so‘raymiz!

«Rasululloh sollallohu alayhi vasallam Ramazonda» kitobi asosida tayyorlandi.

Maqolalar