Alloh taolo aytadi: “Shak-shubha yo‘qki, Alloh yolg‘onchi va kofir kimsani hidoyat qilmas” (Zumar surasi, 3-oyat).

Abu Hurayra roziyallohu anhu aytadi: Payg‘ambarimiz sollalohu alayhi vassallam dedilar: “Munofiqning uchta alomati bor:

gapirsa, yolg‘on gapiradi;

va’da bersa bajarmaydi;

omonat olsa, xiyonat qiladi”.

Payg‘ambarimiz sollalohu alayhi vassallam aytdilar: “Uch toifa odamga Qiyomat kunida Alloh gapirmaydi, ularni (gunohlaridan) poklamaydi, ularga (rahm nazari bilan) qaramaydi va ularga alamli azoblar bo‘ladi. Ular: zinokor qariya, yolg‘onchi podshoh va mutakabbir kambag‘aldir” (Muslim, Nasaiy rivoyati).

Abu Hurayra roziyallohu anhu aytadi: Bir banda e’tiborsizlik qilib bir so‘zni aytadi-da, u sababli do‘zaxga mashriqu mag‘rib orasidan keng masofaga qulaydi (Muslim rivoyati).

Alloh taolo barchamizni nojoiz so‘zlarni so‘zlashdan tiyilishni nasib qilsin. U marhamatli va saxovatli zotdir.

Oybek SAMARQANDIY,

“Ko‘kaldosh” o‘rta maxsus islom bilim yurti talabasi

O‘MI Matbuot xizmati