Sayt test holatida ishlamoqda!
05 Iyun, 2025   |   9 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:08
Quyosh
04:51
Peshin
12:27
Asr
17:35
Shom
19:56
Xufton
21:32
Bismillah
05 Iyun, 2025, 9 Zulhijja, 1446
Avvalgi sayt
#search
 YouTube

Surxondaryo va Xatlon viloyatlari o‘rtasidagi chegara ochildi

08.03.2018   4150   2 min.
Surxondaryo va Xatlon viloyatlari o‘rtasidagi chegara ochildi

Bugun, 7 mart kuni Surxondaryo viloyati va qo‘shni Tojikistonning Xatlon viloyati o‘rtasidagi «Amuzang» («Hoshadi») chegara postining ochilish marosimi bo‘lib o‘tdi. Bu haqda viloyat hokimi Erkinjon Turdimovning feysbukdagi sahifasida ma’lum qilingan.

«Qo‘shnichilik munosabatlari, do‘stlik rishtalari hamda hamkorlikning yanada mustahkamlanishi, qo‘shni davlatga borish-kelishdagi to‘siqlar, ortiqcha rasmiyatchiliklarga barham berish maqsadida muhtaram Prezidentimiz tashabbuslari bilan Surxondaryo va Xatlon viloyatlari o‘rtasidagi «Amuzang» chegara postining rasmiy ochilishi marosimi bo‘lib o‘tdi.

Marosimda so‘z olganlar ikki xalq o‘rtasidagi do‘stlik rishtalari qadim tarixga ega ekanligi, ushbu xayrli ish kelgusida iqtisodiy, madaniy va yaqin qo‘shnichilik munosabatlarini yanada mustahkamlash yo‘lida yangi sahifalar ochishini ta’kidlashdi. Chegara postining ochilishi asrlar davomida qo‘shni yashayotgan, dili va dini bir bo‘lgan, ikki tilda so‘zlovchi bitta xalqni behad quvontirdi», deyilgan xabarnomada.

Tantanali tarzda va do‘stona muhitda o‘tgan marosimlarda Surxondaryo viloyati hokimi Erkinjon Turdimov va Xatlon viloyati hokimi Davlatsho Gulmaxmadzoda qatnashdi.

 

Bungacha Samarqand, Jizzax va Namangan viloyatini qo‘shni respublika bilan bog‘lovchi chegara postlarining ochilish marosimlari o‘tkazilgandi.

Manba: https://kun.uz

O'zbekiston yangiliklari
Boshqa maqolalar

Arafa kuni ushbu 5 amalni bajarishni unutmang!

04.06.2025   7124   1 min.
Arafa kuni ushbu 5 amalni bajarishni unutmang!

1. Duo qilish. Bu kun qilingan duolar eng afzal duodir.

Solihlardan biri aytadi: "Allohga qasam! Arafa kuni biror duo qilsam, bir yil o‘tmasidan turib uni xuddi yorishgan tong kabi amalga oshganini ko‘rdim".

O‘tgan solihlar ehtiyojlari uchun qiladigan duolarini arafa kuniga saqlab qo‘yishar edi. Qanchadan qancha orzu-umidlar va duolar arafa kunida ijobat qilingan.


2. Ushbu duoni ko‘p qilish. Nabiy sollallohu alayhi vasallam: “Duolarning yaxshisi arafa kunidagi, men va mendan oldingi nabiylarning “Laa ilaha illallohu vahdahu laa shariyka lahu, lahul mulku va lahul hamdu va huva ’ala kulli shayin qodiyr”, deb aytgan duosidir”, dedilar.


3. Allohdan do‘zaxdan panoh so‘rash. Bu kundan ko‘ra do‘zaxdan ko‘p ozod bo‘ladigan kun yo‘q. Nabiy sollallohu alayhi vasallam aytdilar: “Arafa kuni, Alloh bandalarni do‘zaxdan ko‘p ozod qilganchalik boshqa biror kun yo‘q!”.


4. Takbiri tashriq aytish. Bu kunning bomdod namozidan boshlab takbir aytiladi. “Allohu akbar! Allohu akbar! Allohu akbar! Laa ilaha illallohu vallohu akbar! Allohu akbar va lillaahil hamd”.


5. Ro‘za tutish. Bu kun tutilgan ro‘za ikki yillik gunohlarga kafforot bo‘ladi. Rasululloh sollallohu alayhi vasallam: “Arafa kunining ro‘zasi undan oldingi va undan keyingi yillardagi gunohlarga kafforot bo‘ladi deb Allohdan umid qilaman”, dedilar (Imom Muslim rivoyati).

Arafa kuningiz muborak bo‘lsin. Alloh taolo sizni bu kunning fazilatlaridan to‘liq bahramand etsin.

 

Davron NURMUHAMMAD