Sayt test holatida ishlamoqda!
18 Yanvar, 2025   |   18 Rajab, 1446

Toshkent shahri
Tong
06:22
Quyosh
07:45
Peshin
12:38
Asr
15:41
Shom
17:25
Xufton
18:43
Bismillah
18 Yanvar, 2025, 18 Rajab, 1446

Britaniyada Xorazmiy va Ibn Sino stipendiyalari ta’sis etiladi

8.03.2018   2940   1 min.
Britaniyada Xorazmiy va Ibn Sino stipendiyalari ta’sis etiladi

O‘zbekistonning bir guruh islomshunos, sharqshunos olimlari Buyuk Britaniyaga safari chog‘ida Kembrij universitetiga tashrif buyurib, ushbu nufuzli ta’lim dargohining professor va mutaxassislari bilan uchrashuvlar o‘tkazdi, deb xabar beradi O‘zA. 

Kembrij universitetining Markaziy Osiyo forumi direktori professor Sidxart Saksena bilan O‘zbekistonda yaqinda tashkil etilgan Islom sivilizatsiyasi markazi, Imom Buxoriy xalqaro ilmiy-tadqiqot markazi, O‘zbekistonga oid xorijdagi madaniy boyliklarni tatqiq etish markazi hamda Toshkent islom universitetining islomshunoslik ilmiy-tadqiqot markazi o‘rtasida hamkorlik bo‘yicha kelishuvga erishildi. 

Olimning ta’kidlashicha, Kembrij professor-o‘qituvchilari Toshkent islom universiteti, O‘zbekiston Islom akademiyasining talaba va tadqiqotchilari uchun maxsus ma’ruzalar o‘qiydi, O‘zbekistonda o‘tkaziladigan xalqaro forumlarda ishtirok etadi. 

«Jahon reytinglarida Oksford universitetidan keyin ikkinchi o‘rinni muntazam egallab kelayotgan Kembrijning nufuzli nashrlarida o‘zbekistonlik mutaxassislar ilmiy maqolalari chop etiladi. Ikki tomon olimlari qo‘shma ilmiy guruhi tashkil etiladi. Hamkorlikda dolzarb mavzularda tadqiqotlar amalga oshiriladi», — deyiladi xabarda. 

Tomonlar, shuningdek, Kembrij universitetida Xorazmiy va Ibn Sino stipendiyalarini ta’sis etish to‘g‘risida ham kelishib oldi. 

Qayd etilishicha, joriy yilning 12 fevralidan e’tiboran Kembrij universitetida o‘zbek tili darslari tashkil etildi. Erishilgan kelishuvlarga muvofiq, yangi o‘quv yilidan boshlab O‘zbekistondan kelgan mutaxassislar ushbu kurslarda dars bera boshlaydi. 

O‘MI Matbuot xizmati

Dunyo yangiliklari
Boshqa maqolalar

Faqirlikdan qutulish uchun

17.01.2025   2728   1 min.
Faqirlikdan qutulish uchun

Uydan faqirlikni quvishda Ixlos surasini o‘qish haqida

Sahl ibn Sa’d Su’adiy roziyallohu anhudan rivoyat qiladi, ansorlardan bir kishi Nabiy sollallohu alayhi vasallamning oldilariga kelib faqirlik va yashash qiyinligidan shikoyat qildi.

Rasululloh sollallohu alayhi vasallam unga: “Uyingga kirsang, uyda biron kim bo‘lsa salom ber. Hech kim bo‘lmasa menga salovot ayt va “Qul huvallohu ahad”ni bir marta o‘qi”, dedilar.

U kishi shunday qilgandi, Alloh taolo unga mo‘l rizq ato etdi, rizqini ko‘payib berdi va hatto (orttirib) qo‘shnilariga ehson qila boshladi.

“Tafsiri Abul futuh” va “Mustadrok”dan