Diniy idora Samarqand ziyoratiga taklif etadi
Avval, O‘zbekiston musulmonlari idorasi “ziyorat turizm” faoliyatini yo‘lga qo‘ygani haqida xabar bergan edik. Endilikda, Diniy idora huzuridagi Muqaddas qadamjolarni saqlash va obod etish xayriya jamoat fondi yurtimizdagi ziyoratgohlarni obod etish bilan bir qatorda bunday tabarruk maskanlarga ziyoratlarni ham uyushtirish ishlarini boshladi. Dastlab Fond tomonidan Samarqand viloyatidagi qutlug‘ qadamjolarga ziyoratlar tashkil etilmoqda.
Samarqand ziyorati dasturi bilan tanishing:
Yo‘nalishi: Toshkent – Samarqand – Toshkent
Davomiyligi: 1 kun
Transport turi: Zamonaviy transport vositasi
To‘lov miqdori: 200000 so‘m
|
Vaqt |
Faoliyat (ish, xizmat)lar tartibi |
|
|
05:00 |
05:30 |
Ziyoratchilarni belgilangan joyda to‘plash; |
|
05:30 |
10:00 |
Samarqandga jo‘nash; |
|
10:00 |
10:30 |
“Imom Buxoriy” majmuasi ziyorati; |
|
10:30 |
11:00 |
Samarqanda shahriga yetib borish; |
|
11:00 |
12:30 |
“Hazrati Hizr” va “Shohi Zinda” majmualari ziyorati; |
|
12:30 |
14:00 |
Tushlik va peshin namozi; |
|
14:00 |
17:00 |
“Imom Moturidiy” ziyoratgohi, “Bibixonim” masjidi, “Registon” maydoni, “Go‘r Amir” maqbarasi, “Ruhobod” maqbarasi, “Xo‘ja Ahrori Valiy” ziyoratgohi va “Mirzo Ulug‘bek” rasadxonasi ziyorati; |
|
17:00 |
17:30 |
Ziyorat sovg‘alari xarid qilish; |
|
17:30 |
22:00 |
Toshkent shahriga qaytish. |
Ziyoratchilarga quyidagi xizmatlar ko‘rsatiladi:
- zamonaviy transport (ziyoratchilar soniga ko‘ra) xizmati;
- safar davomida ziyoratga oid suhbat, ma’ruza va Qur’on qiroati;
- salqin ichimliklar va shirinliklar;
- ovqatlanish (nonushta va tushlik);
- ziyoratgohlarga kirish chiptalari;
- ziyoratgohlar haqida batafsil ma’lumotlar (ekskursiya xizmati);
- esdalik uchun tarqatma materiallari.
Murojaat uchun: O‘zbekiston musulmonlari idorasi huzuridagi Muqaddas qadamjolarni saqlash va obod etish xayriya jamoat fondi
Telefon: (71) 150-64-11, (90) 186-59-18, (99) 899-59-18
Ziyoratchilarni to‘planish joyi: Hazrati Imom (Xastimom) jome masjidi yonida
Eslatma: Yakka guruh shaklida yig‘ilgan ziyoratchilarni talab va istaklariga ko‘ra, guruhni Toshkent shahrining xohlagan manzilida yig‘ish va ziyoratga jo‘natish mumkin.
Ikrom AHMЕDOV, Xayriya jamg‘armasi bosh mutaxassisi;
O‘zbekiston musulmonlari idorasi Matbuot xizmati
35 bolaning sunnat to‘yi o‘tkazib berildi
Mustaqilligimizning 35 yilligi arafasida Chirchiq shahrida kam ta’minlangan hamda boquvchisini yo‘qotgan oilalar farzandlariga quvonch ulashishga qaratilgan saxovat tadbiri o‘tkazildi.
Toshkent viloyati bosh imom-xatibi Doniyor domla Ikromov tadbirda ishtirok etib, bolajonlarga samimiy tilaklar bildirdi.
«Vaqf» xayriya jamoat fondi Toshkent viloyati filiali ko‘magida 35 nafar bolaning har biriga velosiped va turli sovg‘alar berildi. Shuningdek, tadbirda saxovatpesha homiylar tomonidan bayramona dasturxon yozilib, bolajonlar uchun ko‘ngilochar va bayramona dastur tashkil etildi.
Bunday xayrli tashabbuslar yurtimizda inson qadri, oila va bolalar manfaatlariga yuksak e’tibor qaratilayotganining yana bir amaliy ifodasidir.
Saxovat tadbiri bolajonlarga unutilmas quvonch bag‘ishlab, ularning qalbida Vatanga muhabbat va ertangi kunga ishonch tuyg‘ularini yanada mustahkamlashga xizmat qildi.
Toshkent viloyati vakilligi Matbuot xizmati
