5 mart kuni Tojikiston Prezidenti Imomali Rahmon mamlakat poytaxtidagi “Yoshlikning 50 yilligi” istirohat bog‘ining nomini o‘zgartirish va unga yangi yodgorliklar o‘rnatish to‘g‘risidagi farmoyishni imzoladi. Bu haqda seshanba kuni Tojikiston Prezidenti matbuot xizmati xabar berdi.
Farmoyishga muvofiq, Dushanbe shahar hokimi xalq deputatlari majlisiga poytaxtdagi Bexzod ko‘chasida joylashgan istirohat bog‘ining nomini “Nizomiddin Alisher Navoiy” deb qayta nomlash bo‘yicha taklif kiritishi lozim.
Mazkur bog‘da O‘zbekiston va Tojikiston xalqlari do‘stligining ramzi sifatida Alisher Navoiy va Abdurahmon Jomiy yodgorliklari o‘rnatiladi.

O‘zbekiston musulmonlar idorasi matbuot xizmati