O‘zbekistonda yana bir noyob kitob chop etildi
Yurtimizda Haftiyaki sharif chop qilindi. Ma’lumotlarga ko‘ra, bu ish birinchi bor amalga oshirildi. Bunga sabab sifatida O‘zbekistonda "Haftiyak"ning faqat Qozon nusxasidan foydalanilgan. Aksar holda Qur’ondan savod aynan Haftiyaki sharifda chiqarilgan.
Toshkent bosmasining eng asosiy xususiyati, unda tajvid qoidalari ham berilgan. Qoidalar kirill alifbosiga asoslangan o‘zbek yozuvida tushuntirilgan.
Ma’lumotlarga ko‘ra, sifati ham Madina bosmanikidan qolishmasligi aytib o‘tilmoqda.
Alloh O‘zining Kalomi xizmatida bo‘lganlarning avlodlaridan Qiyomatga qadar olimu, hofizi Kalomullohlar chiqarsin.
Qur’oni karimning bir bo‘lagi bo‘lgan Haftiyaki sharif nashrini, yurtimizda chop etilajak Qur’oni karim nashrlariga muqaddima o‘laroq qabul qilsin!
O‘MI Matbuot xizmati
Toshkent islom instituti va Hadis ilmi maktabida ijodiy imtihonlar o‘tkaziladi
Toshkent islom instituti magistratura bosqichi hamda Hadis ilmi maktabiga hujjat topshirgan talabgorlar uchun joriy yilning 11 avgust kuni ijodiy imtihonlar o‘tkaziladi.
Talabgorlar tanlagan yo‘nalishlari bo‘yicha quyidagi fanlardan imtihon topshiradilar:
-
Teologiya (Tafsir va Qur’on ilmlari): Qur’oni karim va tajvid, Tafsir;
-
Teologiya (Hanafiylik va fiqh ilmlari): Fiqh, Usulul-fiqh;
-
Hadis ilmi maktabi: Hadis va mustalahul hadis.
Imtihonlar 11 avgust kuni soat 8:00 da Imom Buxoriy nomidagi Toshkent islom instituti binosida boshlanadi. Talabgorlarni ro‘yxatga olish jarayoni soat 7:30 dan start oladi.
Muhim eslatma: Abituriyentlar imtihonga pasport (yoki ID-karta) asli hamda «Imtihon ruxsatnomasi» bilan kelishlari shart. Ushbu hujjatlardan biri bo‘lmagan talabgorlar imtihonga kiritilmaydi.
Manzil: Toshkent shahri, Olmazor tumani, Zarqaynar 18-berk ko‘chasi, 47-uy.
O‘zbekiston musulmonlari idorasi
Matbuot xizmati
