Mamlakatimizda so‘nggi vaqtlarda diniy-ma’rifiy sohada olib borilayotgan islohotlar samarasida bir qancha masjidlar ochilmoqda. Ta’mirtalablari ta’mirlanmoqda. 

Xuddi shunday ishlardan biri Namangan viloyati Chust shahridagi qarovsiz qoldirilgan masjid binosini ta’mirlash ishlari boshlangani haqida ijtimoiy tarmoqlarda faol bo‘lgan, oshpaz Bahriddin Chustiy xabar berdi. 

Bahriddin Chustiy ijtimoiy tarmoqlardagi shaxsiy sahifasi quyidagi so‘zlarni yozib qoldirgan: 

“Yoshligimizda Chustda, yo‘l bo‘yida joylashgan ajoyib bir masjid bo‘lar edi. Har gal maktabga o‘sha masjid yonidan o‘tganimizda azon ovozi quloqni, u yerdan chiqayotgan nuroniy otaxonlar esa ko‘zni quvontirar edi. Ammo negadir ushbu masjid 1998 yili yopilgan edi. 

O‘tgan yillar mobaynida ushbu masjidni qayta ochishga bir necha bor urinishlar besamar bo‘lgan. Va nihoyat Prezidentimizning diniy sohadagi islohotlari doirasida o‘tgan kuni masjidni rekonstruksiya qilib, qayta ochishga ruxsat berildi. Ramazon oyigacha ushbu masjidda xatm va tarovex o‘qish umidi ila kechadan masjidda hashar boshlandi”.

O‘MI Matbuot xizmati