Hurmatli yurtdoshlar! Muslim. uz portali jamoasi tomonidan hayurtlarimizning Umra ibodatlari onlayn olib beriladi. Sizga ma’lumki, oldinroq umra amallarini ado etish uchun Saudiya Arabistoniga jo‘nab ketgan ziyoratchilarimiz ibodatlarini davom ettirishayotgani haqida xabar bergan edik.
Mana shunday ulug‘ safarda muslim.uz saytining bir guruh ijodkorlari ham yurtdoshlarimiz ibodatlarini yoritishda jonbozlik ko‘rsatishmoqda. Shu kunga qadar to‘rtta to‘g‘ridan to‘g‘ri efir amalga oshirildi.
Ertaga ijodkorlarimiz, Makkai mukarrama shahridagi Arafot, Mino, Muzdalifa, Jamarot vodiylari hamda Savr, Nur tog‘larini, Hiro g‘orini ziyorat qilish jarayonlaridan lavhalarni onlayn efirga uzatishga harakat qilishadi.
Shunday ekan azizlar, ertaga 21 fevral kuni muslim.uz sayti va uning ijtimoiy tarmoqlarini kuzatsangiz, umrachilarimizning tabarruk joylardagi ziyoratlaridan siz ham baharamand bo‘lasiz degan umiddamiz, inshoolloh.
O‘zbekiston musulmonlari idorasi
Matbuot xizmati
Savol: Mo‘miyo halolmi? Uni iste’mol qilsa bo‘ladimi?
Javob: Bismillahir Rohmanir Rohiym. Ha, mo‘miyo halol va uni iste’mol qilish joiz. Mo‘miyo tog‘ jinsidan sizib chiqadigan quyuq modda bo‘lib, tabobatda qadimdan ishlatib kelingan. Shar’iy jihatdan esa, u tog‘ jinsidan sizib chiqadigan tabiiy modda va zararsiz ekanligi e’tiboridan iste’moli halol hisoblanadi. Zero, dinimizda: “Narsalar aslida muboh (halol)dir”, degan qoida bor.
Bundan ma’lum bo‘ladiki, barcha narsalar inson uchun yaratilgan bo‘lib, ulardan foydalanish halol. Qat’iy dalil sobit bo‘lmagunicha hech bir narsa harom bo‘lmaydi. Rasululloh sollallohu alayhi vasallam: “Alloh kitobida halol qilgan narsa halol, harom qilgan narsa harom, sukut qilgan narsa afv (etilgan)dir. Allohdan ofiyatni so‘ranglar, chunki Alloh esdan chiqarguvchi emas”, deganlar (Imom Abu Dovud rivoyati).
Ya’ni Alloh taolo ba’zi narsalar borasida halol yoki harom, degan hukmni bayon qilmagan. Shuning uchun ham ular mubohlik hukmida qolaveradi. Vallohu a’lam.
O‘zbekiston musulmonlari idorasi
Fatvo markazi.