Samarqand shahridagi “Xo‘ja Is'hoqi Valiy” jome masjidida davom etayotgan Qur’on musobaqasi o‘zining eng hayajonli va shukuhli onlariga kirib bormoqda. Ushbu musobaqada respublika bosqichiga chiqish uchun tuman bosqichlarida birinchi o‘rinni qo‘lga kiritgan 16 nafar qori, 9 nafar qoriya jiddiy harakat qilishmoqda.
O‘z navbatida, Haq taolo kalomiga some’ bo‘laman, deb kelgan muxlislar ham o‘zlari uchun juda ko‘p manfaatlar olishmoqda. Zero maqsadimiz ham shu, ya’ni Qur’on haqida kishilarga ma’rifat taratish, Qur’onga muhabbat uyg‘otish, musulmon yoshlarni Qur’onga qiziqtirish, iqtidorli qorilarni taqdirlash, qorilar sifati va sonini oshirish, saviyalarini yukasaltirish, yurt va xalqni dunyoga tanitish kabilardan iboratdir.
Bizning muslim.uz portali va ijtimoiy tarmoqlar orqali kuzatib boring. Eng xushovoz qorilarning huzurbaxsh tilovatlaridan bahramand bo‘lishga barchani chorlaymiz.
O‘zbekiston musulmonlari idorasi Matbuot xizmati
Dunyo musulmonlari hayotiga oid eng ishonchli va xolis ma’lumotlar e’lon qiluvchi taniqli “Islamonweb” portalida Malayziya xalqaro islom universiteti professori Shukran Abdulrahmon va Imom Moturidiy xalqaro ilmiy-tadqiqot markazi direktori o‘rinbosari Shahzod Islomovning “Ilm – milliy taraqqiyot va global tinchlikning mustahkam poydevori” mavzusidagi maqolasi e’lon qilindi.
Maqolada ta’kidlanganidek, boy ilmiy-ma’naviy asosga ega Yangi O‘zbekistonda so‘nggi yillarda xalqaro ilmiy hamjamiyat e’tiborini o‘ziga tortgan muhim islohotlar amalga oshirilmoqda.
O‘zbekiston milliy qadriyatlar, tarixiy tajriba va zamonaviy bilimlarni uyg‘unlashtirish orqali barqaror taraqqiyotga intilmoqda. Bu yurtdagi barcha ijobiy o‘zgarishlar xalq ehtiyoji va orzu-istaklariga asoslanib, bag‘rikenglik, taraqqiyot va ma’rifat tamoyillariga sodiq qolgan holda olib borilmoqda.
Maqolada yozilishicha, O‘zbekiston Respublikasi Prezidenti Shavkat Mirziyoyevning g‘oyasi asosida tashkil etilgan Xalqaro islomshunoslik akademiyasi, Imom Buxoriy, Imom Moturidiy, Imom Termiziy xalqaro ilmiy-tadqiqot markazlari, Hadis ilmi maktabi, Mir Arab oliy madrasasi qisqa vaqt ichida ulkan ilmiy loyihalarni amalga oshirib, O‘zbekistonning ilm-ma’rifat markazi sifatidagi xalqaro imijini yuksaltirishga xizmat qilmoqda.
N.Usmonova,
O‘zA muxbiri