Hadislarda jinoyatni oldini olishga qaratilgan e'tibor
Alloh behisob hamdlar bo'lsin shunday tinch, osoyishta va imkoniyatlari keng Vatanda hayot kechirmoqdamiz. Qisqa vaqt oralig'ida yurtimizni dunyo tanidi. Buning barchasi yurtimizda olib borilayotgan adolatli, keng ko'lamli islohotlar natijasi va Robbimizning berayotgan barakasi tufayli. Alloh taolo insoniyatga qanday ne'mat bergan bo'lsa, hammasini hisobini so'rashi muborak kitoblarimizda bayon qilishgan.
Albatta isloxotlar jamiyatdagi ma'lum kamchiliklarga barham berish, adolat o'rnatish uchun o'tkaziladi. Natijada jamiyatda har jihatdan sog'lom muhit paydo bo'la boshlaydi. Hozirgi yashab turgan jamiyatimizda yutuqlar bilan bir qatorda ko'plab turli kamchiliklar mavjud ekanini ham inkor qilmasligimiz kerak. Bu kamchilik, nuqsonlarni bartaraf qilish uchun aholi orasida ko'plab targ'ibot-tushuntirish ma'naviy-ma'rifiy tadbirlar o'tkazib kelinmoqda va sezilarli ijobiy natijalar ham ko'zga tanlanmoqda.
Yana shunday bir vosita borki, agar inson unga amal qilishda mahkam bo'lsa, jamiyat o'z o'zidan salohitli tomonga o'zgarib boradi. Bu vosita sunnati nabaviydir. Nabiy sollallohu alayhi va sallamdan etib kelgan barcha hadislarning mohiyati avvalo jamiyatni yaxshi tomonga o'zgartirishdir. Bir hadis misolida buni ko'rib chiqsak.
Uboda ibn Somit roziyallohu anhudan rivoyat qilinadi. Payg'ambarimiz sollallohu alayhi va sallam aytdilar: “Menga o'z nafslaringiz haqidan oltita narsaga kafillik bering, men ham sizlarga jannat kafolatini beraman.
- So'zlaganingizda rostini gapiring.
- Va'daga vafo qiling.
- Omonatni ado eting.
- Jinsiy a'zolaringizni haromdan asrang.
- Ko'zingizni (haromga qarashdan) saqlang.
- Qo'llaringizni tiying”. (Bayhaqiy rivoyati)
E'tibor berilsa bu hadisda saqlanishlik ma'nosida sanab o'tilgan amallar har qanday o'zini madaniyatli, namunali deb hisoblaydigan jamiyatda ham qo'llab-quvvatlanadi.
Jamiyat har jihatdan sog'lom bo'lishi inson o'zini isloh qilishiga ham bog'liq. Birgina yuqoridagi hadisni insonlar o'z hayotiga tadbiq qilishi bilan yashab turgan jamiyatida kuzatilayotgan firibgarlik, tovlamachilik, omonatga xiyonat, fahsh ishlar, o'g'rilik va boshqa shu kabi buzuqliklarni isloh qilishligi mumkin bo'ladi. Demak, biz insonlarga sof sunnatdagi amallarini etkazsak yoki o'z hayotimizga tadbiq qilib namuna bo'lsak, jamiyatimizda xozirda muammoli vaziyat deya ta'kidlanayotgan holatlardan asta-sekin qutilib, ma'daniy-axloqiy, insoniy jihatdan ijobiy natijalar ko'rsatkichlarini yanada yuqori ko'targan bo'lar edik.
Toshkent islom instituti 3-kurs
talabasi Nodirbek Nishonov
"Shavkat Mirziyoyev O‘zbekistonni butunlay o‘zgartirdi" — Ilhom Aliyev
Ozarbayjon Prezidenti Ilhom Aliyev O‘zbekistonning so‘nggi yillardagi taraqqiyoti va Prezident Shavkat Mirziyoyev rahbarligida mamlakatda amalga oshirilgan o‘zgarishlarga yuqori baho berdi.
U Shavkat Mirziyoyev O‘zbekiston rahbarligiga kelgan davrdagi vaziyat bilan bugungi holat o‘rtasida katta farq borligini ta’kidladi.
"Shavkat Miromonovich O‘zbekistonga rahbarlik qilishni boshlaganida vaziyat butunlay boshqacha edi. Buni O‘zbekiston fuqarolari ham, biz ham juda yaxshi bilamiz. Shu sababli u mamlakatni rivojlanish yo‘liga qo‘yish hamda davlatning iqtisodiy jihatlarini noldan shakllantirish uchun katta kuch bilan ishlashiga to‘g‘ri keldi", — dedi Ilhom Aliyev.
Ozarbayjon rahbari sanoat va qishloq xo‘jaligini rivojlantirish, xorijiy investitsiyalarni jalb qilish borasidagi ishlarga ham to‘xtaldi.
"Bugun biz butunlay boshqacha O‘zbekistonni ko‘rib turibmiz — jahon hamjamiyatining juda hurmatga sazovor a’zosiga aylangan O‘zbekistonni. Sanoatni rivojlantirish, qishloq xo‘jaligi, energetika, transport infratuzilmasi bilan bog‘liq masalalar juda tezkor va samarali hal etilmoqda", — dedi u.
Ilhom Aliyevning so‘zlariga ko‘ra, O‘zbekistonda amalga oshirilgan ishlar va islohotlar ikki davlat o‘rtasidagi hamkorlik loyihalari uchun ham muhim zamin yaratgan.
"Shavkat Mirziyoyev va uning jamoasi tomonidan O‘zbekiston uchun qilingan ishlar va bu islohotlar bo‘lmaganida, birorta ham hamkorlik loyihasini amalga oshirishning imkoni bo‘lmasdi", — dedi Ozarbayjon Prezidenti.
Shuningdek, u Shavkat Mirziyoyev O‘zbekiston rahbarligiga kelguniga qadar ikki mamlakat o‘rtasida birorta ham qo‘shma loyiha bo‘lmaganini ta’kidladi.
Ayni paytda tomonlar o‘zaro tovar aylanmasini 1 milliard dollarga yetkazishni maqsad qilgan. Ilhom Aliyev bu ko‘rsatkichni uzoq muddatli orzu emas, balki yaqin ikki yilda amalga oshadigan natija sifatida baholadi.
"Bugun biz 1 milliardlik tovar aylanmasi haqida gaplashyapmiz. Bu qandaydir uzoq muddatli orzu emas, yaqin ikki yilda amalga oshadigan ishdir", — dedi u.
Ozarbayjon rahbari ikki tomon iqtisodiyoti ehtiyoj sezayotgan sohalardagi investitsiya loyihalari va o‘zaro sarmoyalar ham muhokama qilinganini qayd etib, bunday hamkorlik ikki davlatning parallel ravishda rivojlanishi natijasida yuzaga kelganini qayd etdi.
