Chirchiq shahrida bo‘lib o‘tayotgan Qur’on musobaqasi ishtirokchilarini tabriklash uchun Chirchiq shahri hokimi o‘rinbosari Jahongir Matkarimov tashrif buyurdi va biz bilan suhbatda shunday dedi:
– Chirchiq shahrimizda Qur’on musobaqasi o‘tkazilishini eshitgan aholimiz hokimlikkka va ushbu jome masjidga juda ko‘plab murojaatlar qilishdi. Necha yoshdan qatnashiladi, qanday ishtirok qilinadi, tartibi qanaqa, degan savollar bilan juda katta qiziqishlar bildirishdi. Bundan juda xursand bo‘ldik. Albatta, Qur’onning mazmuni insonni ma’naviyatga, tarbiyali bo‘lishga chorlaydi, imom-e’tiqodni mustahkamlaydi. Ma’naviyatning asosi ham Qur’oni karimda. Ma’naviyat insonning irodasini baquvvat qiladi. Shundan kelib chiqib aytish mumkinki, Qur’onni eshita olish va eshittira olish ham yuksak ma’naviyatdir.

O‘zbekiston musulmonlari idorasi Matbuot xizmati