Sayt test holatida ishlamoqda!
27 Fevral, 2025   |   28 Sha`bon, 1446
search icon
Avvalgi sayt
ЎЗ РУ EN AR

Toshkent shahri
Tong
05:43
Quyosh
07:01
Peshin
12:41
Asr
16:27
Shom
18:14
Xufton
19:27
Bismillah
27 Fevral, 2025, 28 Sha`bon, 1446
Avvalgi sayt
#search
 YouTube

Qur’on musobaqasiga "Payme" tizimi orqali homiylik qilish imkoniyati paydo bo‘ldi

9.02.2018   8152   1 min.
Qur’on musobaqasiga

O‘lkamizda boshlangan qorilar musobaqasi xalqimizga intiqlik bilan kutilgan quvonchu shodliklarni olib keldi.

Qorilarimiz orasidagi mutlaq g‘oliblarni taqdirlash va barcha qori ishtirokchilarga esdalik sovg‘alari topshirish ishlari diniy idora, joylardagi vakillik va homiylar tomonidan amalga oshirib kelinmoqda.

Qorilarni qo‘shimcha ravishda taqdirlashni istagan, farzandu arjumandlari ham dunyoda mana shunday ko‘zni quvontiradigan, oxiratda esa ota-onasiga toj kiydiradigan qoriyu qurrolar bo‘lishini niyat qilgan uzoq-yaqindagi saxovatpesha kishilar homiylik qilish taklifi bilan chiqishmoqda.

Xabaringiz bor, homiylik qilish istagini bildirgan himmatli insonlar uchun “O‘zbekiston Qur’on musobaqasi” tashkiliy hay’ati tomonidan maxsus hisob raqami ochilgan edi. Biroq, bu bankka borish va ortiqcha ovoragarchilikni tug‘dirgani uchun, barchaga qulay bo‘lgan "Payme" tizimi orqali to‘lovni amalga oshirish xizmati ishga tushirildi.

Endi, xayru saxovatlar qilishni xohlagan yurtdoshlarimiz maxsus hisob raqamga osongina muruvvat qilishlari mumkin.

 

Telefon orqali kirganda:

 

Kompyuter orqali kirganda:

Murojaat uchun telefonlar: 8-371-240-04-75, +99899-819-55-77 

O‘MI Matbuot xizmati

O'zbekiston yangiliklari
Boshqa maqolalar
Yangiliklar

"Ko‘kaldosh"ga "Islom fiqhi asoslari" kitobi hadya qilindi

25.02.2025   4945   1 min.

«Ko‘kaldosh» o‘rta maxsus islom bilim yurti Axborot-resurs markazi fondiga O‘zbekiston musulmonlari idorasi raisining birinchi o‘rinbosari Homidjon domla Ishmatbekovning «Islom fiqhi asoslari» kitobidan 50 dona hadya qilindi. 

Kitobda Islom voqeiy din ekani va barcha zamonu makonlarga mos hamda muvofiq kelishi saodat asrida sodir bo‘lgan voqea-hodisalar asosida ilmiy asoslab berilgan. Bir misol. Rasululloh sollallohu alayhi vasallam Muoz ibn Jabal roziyallohu anhuni Yamanga qozi qilib tayinlaganlarida bunday deganlar: “Agar sen biror muammoga duch kelsang, qanday hukm qilasan?” Shunda u: “Qur’ondan hukm chiqaraman”, dedi.

Rasululloh sollallohu alayhi vasallam: “Agar Qur’ondan uning hukmini topa olmasang-chi?” deb so‘radilar. “Unda Rasululloh sollallohu alayhi vasallamning sunnatlaridan hukm izlayman”, dedi. “Agar Rasulullohning sunnatlaridan ham topa olmasang-chi?” deb so‘raganlarida: “U holda aqlimga suyanib ish tutaman”, dedi. Shunda Rasululloh sollallohu alayhi vasallam Muozning yelkasiga qoqib: “Rasulullohning elchisini O‘zi rozi bo‘ladigan ishga muvaffaq qilgan Alloh taologa hamdu sanolar bo‘lsin”, dedilar.

Rasululloh sollallohu alayhi vasallamning huzurlarida yoki u kishi bo‘lmagan vaqtlarda sahobalar tomonidan bunday ijtihodlar ko‘plab sodir bo‘lgan. Shunda Rasululloh sollallohu alayhi vasallam ularning chiqargan hukmlaridan to‘g‘risini tasdiqlab, xatolarini tuzatib qo‘yar edilar. 

O‘zbekiston musulmonlari idorasi
Matbuot xizmati

MAQOLA
#logo