Shu yil 29–30 yanvar kunlari Turkiya Diyonat boshqarmasining tashabbusi bilan Istanbul shahrida tashkil etilgan “Vahiy muqaddaslashtirgan shahar – Quddus” mavzusida xalqaro konferensiyada O‘zbekiston Islom akademiyasi rektori, akademik Ne’matullo Ibrohimov ishtirok etdi.
Konferensiyaga 25 ta davlatdan 100 dan ziyod din va davlat arboblari, islom ulamolari, muftiylar hamda nufuzli tashkilotlar rahbarlari qatnashdi.
Turkiya Diyonat boshqarmasi raisi doktor Ali Erboshning taklifiga binoan O‘zbekiston Islom akademiyasi rektori, akademik Ne’matulloh Ibrohimov ham mazkur konferensiyada ishtirok etdi va nutq so‘zladi.
Konferensiya yakunida islom ummatining Islom dini e’tiqodi, ilm va ma’rifati asosida mustahkam aloqalarni o‘rnatish, jipslashish hamda hamkorlik qilish zarurligi to‘g‘risida 22 ta banddan iborat Islom ulamolari bayonoti qabul qilindi.
Ushbu konferensiya va unda muhokama etilgan masalalar haqida keyin batafsil ma’lumot taqdim etamiz.

O‘zbekiston musulmonlari idorasi Matbuot xizmati