Payg‘ambar haqida so‘zlagan bo‘ri voqeasini eshitganmisiz?
Cho‘pon va bo‘ri voqeasi Payg‘ambarimiz Muhammad (alayhissalom)ning mo‘jizalaridan biridir.
Abu Hurayra (roziyallohu anhu)dan rivoyat qilinadi: “Bir bo‘ri cho‘ponning oldiga keldi va uning qo‘ylaridan birini olib qochdi. Cho‘pon bo‘rining orqasidan yetib olib, qo‘yini tortib oldi. Shunda yirtqich jonivor (ya’ni, bo‘ri) bir tepalikka chiqib dumini oyoqlari orasiga qisib cho‘nqayib o‘tirdi va: “Sen Alloh taolo bergan rizqni mendan tortib olding”, dedi cho‘ponga qarab.
“Allohga qasam, men bo‘rining bunday gapirganini hech eshitmagan edim!”, deb hayratlandi cho‘pon. “Bundan ham ajablanarliroq narsa bor”, deya so‘zlashda davom etdi bo‘ri: “Ikki (vulqon o‘chganidan keyin hosil bo‘lgan) toshloq yer o‘rtasidagi xurmozorda bir odam sizlarga bo‘lib o‘tgan va sizlardan keyin bo‘ladigan ishlar haqida xabar bermoqda!” Haligi cho‘pon yahudiy edi. U Rasululloh (sollallohu alayhi va sallam) huzurlariga kelib, Islomni qabul qildi va bo‘ri bilan bo‘lgan voqeani aytib berdi. Payg‘ambar (sollallohu alayhi va sallam) uni tasdiqladilar va: “Bu Qiyomat oldidan bo‘ladigan alomatlarning biridir”, dedilar. Birov (uyidan) chiqib ketadi. Qaytib kelsa, u ketganidan so‘ng oilasining nima bilan mashg‘ul bo‘lganini hatto oyoq kiyimlari va qamchisi so‘zlab berishiga yaqin qoladi”, dedilar” (Imom Ahmad).
Bu va bunga o‘xshash g‘aroyib hodisalar Rasululloh (alayhissalom)ning ulug‘ mo‘jizalari bo‘lgani uchun barchamiz so‘zsiz ularga imon keltirishimiz kerak.
“So‘ragan edingiz” kitobi asosida tayyorlandi
O‘MI Matbuot xizmati
Diniy ta’limda yangi bosqich: Toshkentda nufuzli anjuman bo‘lib o‘tmoqda
Toshkent shahridagi Islom sivilizatsiyasi markazining Katta majlislar zalida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» mavzusidagi I ilmiy-amaliy anjumani boshlandi.
O‘zbekiston musulmonlari idorasi tarixida ilk bor o‘tkazilayotgan ushbu nufuzli tadbirda Prezident maslahatchisi Muzaffar Komilov, Din ishlari bo‘yicha qo‘mita raisi Sodiqjon Toshboyev, muftiy Shayx Nuriddin Xoliqnazar hazratlari, Islom sivilizatsiyasi markazi direktori Firdavs Abduxoliqov, shuningdek, diniy ta’lim muassasalari rahbarlari, bosh imom-xatiblar va OAV vakillari ishtirok etmoqda. Anjumanga jami 700 nafarga yaqin pedagog va soha vakillari jalb etilgan bo‘lib, ularning 300 nafari bevosita zalda, 400 nafari esa hududlardan videoselektor orqali qatnashmoqda.
So‘zga chiqqan notiqlar so‘nggi yillarda Prezidentimiz tashabbuslari bilan diniy-ma’rifiy sohani takomillashtirish va zamonaviy kadrlar tayyorlash borasida amalga oshirilayotgan tizimli islohotlarga to‘xtalib o‘tmoqda. Ta’kidlanganidek, Mir Arab oliy madrasasi, Hadis ilmi maktabi, Imom Termiziy islom instituti va madrasasi hamda 4 ta xalqaro ilmiy-tadqiqot markazining tashkil etilishi ilm ahliga keng imkoniyatlar eshigini ochdi. Toshkent islom institutida magistratura ochildi, tizimdagi 510 nafar pedagogning 50 nafardan ortig‘i PhD va DSc ilmiy darajalariga ega bo‘ldi.
Shuningdek, yurtimizdagi diniy ta’lim muassasalariga Misrning Al-Azhar majmuasi ustozlari jalb etildi. 90 ta fan dasturi va yangi avlod darsliklari yaratildi. Mir Arab, Xadichai Kubro, Hidoya va Ko‘kaldosh madrasalari zamonaviy binolarga ega bo‘lib, Iordaniya, Misr va Birlashgan Arab Amirliklarining yetakchi oliy ta’lim muassasalari bilan hamkorliklar rivojlanmoqda.
Ushbu nufuzli anjumandan ko‘zlangan maqsad ham professor-o‘qituvchilar uchun ilmiy-amaliy muloqot maydonini yaratish, pedagoglarning kasbiy salohiyatini yuksaltirish, ta’lim jarayoniga raqamli va innovatsion usullarni keng joriy etishdir.
O‘zbekiston musulmonlari idorasi Matbuot xizmati
