Har tongda jasmin guli
Hovlimizda uncha katta bo'lmagan gulzorimiz bor edi. Kichik gulzor bo'lishiga qaramay unda juda go'p gullar va daraxtlar o'sardi. Gullarning ichida eng yaxshi ko'radiganim jasmin guli edi. Marhum otam har kuni bomdod namozidan qaytishlarida bir dasta jasmin gulidan olib yostig'im oldiga qo'yib qo'yardilar. Ertalab jasmin ifori bilan uyqudan turish ajoyib edi.
Alloh rahmatiga olgan bo'lsin, otajonim bir necha yillar davomida xonamdan jasmin gulini aritmadilar. Otamning menga bo'lgan g'amxo'rliklari va mehru muhabbatlari jasmin guli timsolida gavdalanardi. E'tibor nishonasi bo'lgan mana shu jasmin guli meni makkor yigitlarning tuzog'iga linib qolishimdan asragan bo'lsa ne ajab. Men otasi mehr bergan qizlar ko'chada yigitlar bilan gaplashib ketmasligini, iffatini saqlashini o'z hayotimda yashab ko'rganimdan Allohga hamd aytaman.
Doktor Abdulloh Muhammad Abdulmu'tining
"Farzand tarbiyasida 700 ta saboq" kitobidan
G'iyosiddin Habibulloh, Kamronbek Islom tarjimasi.
Islomda yo‘q...
1. Jaholatdan ko‘ra yomonroq faqirlik yo‘q.
2. Aqldan ko‘ra foydaliroq mol yo‘q.
3. O‘ziga bino qo‘yishdan ko‘ra yomonroq yolg‘izlik yo‘q.
4. Maslahatdan ko‘ra ishonchliroq bir-birini qo‘llash yo‘q.
5. Go‘zal xulqdek nasl-nasab yo‘q.
6. O‘zini tiya bilishdek taqvo yo‘q.
7. Tafakkurdek ibodat yo‘q.
8. Balog‘atga yetgandan so‘ng yetimlik yo‘q.
9. Fathdan so‘ng hijrat yo‘q.
10. Omonatga xiyonat qiluvchida iymon yo‘q.
11. Va’dasiga vafo qilmaydigan odamda din yo‘q.
12. Uch kundan ortiq arazlashib yurish yo‘q.
13. Istig‘for bilan gunohi kabira yo‘q.
14. Qur’on o‘qib yurgan banda uchun muhtojlik yo‘q va u uchun Qur’ondan ortiqroq boylik yo‘q.
15. Alloh uchun duodan o‘zga yoqimliroq narsa yo‘q.
16. Zulmdan ham ko‘ra jazosi tezroq keladigan narsa yo‘q.
17. O‘zgalarning och qornini to‘ydirishdan ko‘ra afzalroq amal yo‘q.
Davron NURMUHAMMAD