Samarqandda o‘tkazilgan musobaqa g‘oliblari e’lon qilindi
Samarqand viloyati Pastarg‘om tumanida bo‘lib o‘tgan Qur’on musobaqasining hududiy bosqich g‘oliblari e’lon qilindi.
Erkak ishtirokchilar o‘rtasidagi g‘oliblar:
Hifz yo‘nalishi
18-25 yosh:
1-o‘ringa Xushvaqtov Ahmadjon;
2-o‘ringa Zubaydullayev Rahmatulloh munosib deb topildi
26-40 yosh:
1-o‘ringa G‘aniyev Muhammadjon;
2-o‘ringa Abdurahmonov Habibulloh;
3-o‘ringa Yoshuzoqov Abdumalik munosib deb topildi.
Tilovat yo‘nalishi
18-25 yosh:
1-o‘ringa Qurbonov Abdullo;
2-o‘ringa Temirov Mahmudjon;
3-o‘ringa Musayev Jaloliddin munosib deb topildi.
26-40 yosh:
1-o‘ringa Jo‘rayev Ibrohim;
2-o‘ringa Begimqulov Tursun;
3-o‘ringa Jo‘rayev Shaxboz munosib deb topildi.
Hududiy bosqich g‘oliblari O‘zbekiston musulmonlari idorasi hamda homiylar tomonidan diplom va qimmatbaho sovg‘alar bilan taqdirlandilar.
Bizni kuzatishda davom eting, Samarqandning boshqa hududlari bo‘ylab musobaqalar davom etadi.
O‘zbekiston musulmonlari idorasi Matbuot xizmati
Millat ma’naviyati va din sofligi yo‘lidagi muhim vazifalar belgilab olindi
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Namangan viloyatiga safarlari davomida vakillikning yangi binosida tuman-shahar bosh imom-xatiblari ishtirokida yig‘ilish o‘tkazildi.
Muftiy hazratlari yurtimizda davlatimiz Rahbari tashabbuslari bilan diniy-ma’rifiy sohada amalga oshirilayotgan islohotlar, yangilanishlar hamda soha xodimlari oldida turgan muhim vazifalar haqida so‘z yuritar ekan, imom-xatiblarning din peshvosi sifatidagi ish faoliyatlarini jadallashtirishlari zarurligini ta’kidladilar.
Shuningdek, soha xodimlarini moddiy-ma’naviy qo‘llab-quvvatlash, imomlarning ilmiy salohiyatini oshirish va xorijda kasb-mahoratini yuksaltirish borasidagi ishlar alohida e’tirof etildi.
Tahliliy majlisda joriy yilning birinchi yarmida viloyat imom-xatiblari tomonidan amalga oshirilgan ishlar sarhisob qilindi. Xususan, 40 mingta ma’rifiy tadbir, OAVlarda 9 mingta chiqishlar qilinib, 5 500 nafar fuqaroning murojaati hal etilgani, 5 300 ta migrant oilalari bilan muloqot qilingani hamda ehtiyojmand oilalarga 5 mlrd so‘m, madrasalarga esa 800 mln so‘mlik xayriya yordamlari ko‘rsatilgani yuqori baholandi.
Yig‘ilishda Mustaqilligimizning 35 yilligi oldidan hamda "Mahallada obodlik va mehr-saxovat oyligi" doirasida masjidlarni obodonlashtirish, tozalik va texnik xavfsizlik choralarini ko‘rish bo‘yicha topshiriqlar berildi. Shu bilan birga, Fatvo markazi faoliyati, o‘z ustida ishlash, imom-xatiblar faoliyatini raqamlashtirish hamda muftiy.uz mobil ilovasi imkoniyatlaridan samarali foydalanish ta’kidlandi.
Muftiy hazratlari so‘zlari nihoyasida har bir bosh imom-xatib o‘z hududida faoliyat yuritayotgan din peshvolarining faoliyatlarini tahliliy o‘rganib, mas’uliyat, sadoqat, fidoiylik va tashabbuskorlik bilan xizmat qilishlarini ta’minlashi lozimligi aytildi.
O‘zbekiston musulmonlari idorasi Matbuot xizmati
