Gulistonda musobaqa g‘oliblari e’lon qilindi
Sirdaryo viloyati Guliston shahridagi “Osiyo” koshonasida bo‘lib o‘tgan Qur’on musobaqasining hududiy bosqich g‘oliblari e’lon qilindi. Marhamat erkak ishtirokchilar bo‘yicha g‘oliblar bilan tanishing:
Hifz yo‘nalishi
18-25 yoshli erkak ishtirokchilar orasida quyidagi nomzod g‘olib bo‘ldi:
1-o‘ringa Abduxoliqov Muhammadsobir munosib deb topildi.
26-40 yoshli erkak ishtirokchilar orasida quyidagilar g‘olib bo‘ldi:
2-o‘ringa Karimov Najmiddin;
3-o‘ringa Karimov Faxriddin munosib deb topildi.
Tilovat yo‘nalishi
18-25 yoshli erkak ishtirokchilar orasida quyidagilar g‘olib bo‘ldi:
1-o‘ringa Yusufjonov Muhammadrizo;
2-o‘ringa Axmatqulov Elyorjon;
3-o‘ringa Abdullayev Abduvohid munosib deb topildi.
26-40 yoshli erkak ishtirokchilar orasida quyidagilar g‘olib bo‘ldi:
1-o‘ringa Do‘smatov Odil;
2-o‘ringa Aliqulov Qodir;
3-o‘ringa Eshonov Mahmudjon munosib deb topildi.
Eslatib o‘tamiz Sirdaryo viloyatida tilovat yo‘nalishi bo‘yicha ayol-qiz ishtirokchilar o‘rtasida quyidagi qoriyalarimiz g‘oliblikni qo‘lga kiritishgan edi:
18-25 yoshli ayol-qiz ishtirokchilar orasida quyidagilar g‘olib bo‘ldi:
1-o‘ringa Mustafoyeva Sarvinoz;
2-o‘ringa Vafoyeva Durdona;
3-o‘ringa No‘monova Ma’rifat munosib deb topildi.
26-40 yoshli ayol-qiz ishtirokchilar orasida quyidagilar g‘olib bo‘ldi:
1-o‘ringa Usmanova Hulkar;
2-o‘ringa Turdiyeva Feruza;
3-o‘ringa Hasanova munosib deb topildi.
Hududiy bosqich g‘oliblari O‘zbekiston musulmonlari idorasi hamda homiylar tomonidan tashkil etilgan diplom va qimmatbaho sovg‘alar bilan taqdirlandilar.
Bizni kuzatishda davom eting, diyorimizning boshqa hududlari bo‘ylab muboqalar davom etadi.
O‘zbekiston musulmonlari idorasi Matbuot xizmati
Ot izini toy bosar
Bismillahir Rohmanir Rohiym
O‘g‘il har oylik maoshini onasiga topshirar, uning yuzidagi tabassumni ko‘rib, o‘zini dunyodagi eng boy inson deb hisoblardi.
Yillar o‘tib, onasi olamdan o‘tdi. Navbatdagi maoshini olgan o‘g‘il bir zum ne qilarini bilmay qoldi-yu, bir qarorga keldi: «Pullarni onamning nomidan ehson qilaman».
Shu kundan e’tiboran, u har oy masjidlarga suv kullerlari o‘rnatishni odat qildi. Namozxonlar suv ichib, onasining haqiga duo qilishlaridan qalbi taskin topardi.
Kunlardan bir kun mahalla masjidida yangi kuller o‘rnatilganini ko‘rib, «Attang, bu safar kechikdim-a», deb o‘kindi. Shunda yoniga imom kelib:
– Xayrli hadya uchun rahmat, – dedi.
– Uzr, adashdingiz, shekilli. Buni men olib kelmadim...
– Yo‘q, adashmadim. Buni sizning nomingizdan o‘g‘lingiz keltirdi.
Orqasiga o‘girilgan ota jilmayib turgan o‘g‘liga ko‘zi tushdi.
– Bolam, bunga pulni qayerdan olding? – hayajondan ko‘zlari yoshlandi otaning.
– Ota, anchadan beri menga beradigan pullaringizni yig‘ib yurgandim. Siz buvijonim uchun xayrli ish qilayotganingizni ko‘rib, men ham siz uchun shunday qilishni istadim.
Otaning ko‘zlaridan quvonch yoshlari sizib chiqdi. U o‘g‘liga nasihat qilmagan, shunchaki o‘z amali bilan namuna bo‘lgandi.
Ha, farzandlar eshitgan gaplarini unutishi mumkin, ammo ko‘rgan amallarini hech qachon unutmaydi. Bugun ota-onamizga qilgan yaxshiligimiz ertaga farzandlarimizdan albatta qaytadi.
Akbarshoh RASULOV