Qashqadaryoda 15 juft yoshlarning nikoh va 160 nafar bolajonning sunnat to‘ylari o‘tkazib berildi. 
 

Prezidentimizning e’tibori va tashabbusi bilan o‘tkazilgan nikoh va sunnat to‘yini viloyat hokimi Murotjon Azimov tabrik so‘zi bilan ochib berdi. Unda viloyat bosh imom-xatibi Rahmatillo domla Usmonov, faxriylar, ziyolilar ishtirok etib, to‘y sohiblari va homiylari haqqiga xayrli duolar qilishdi. 
 

Murotjon Azimov: "To‘y sababchilariga o‘zimizning samimiy tilaklarimizni bildiramiz. To‘ybolalarimiz ota-onalariga faqat obro‘ va rahmat yetkazadigan, Vatan uchun, millat uchun, xalq uchun sadoqat bilan xizmat qiladigan mard va olijanob yigitlar bo‘lib yetishsinlar! 

Yoshlarimiz qurayotgan oilalar mustahkam bo‘lsin, kelin-kuyovlarimiz baxtli-taxtli bo‘lib, qo‘sha qarishsin!". 
 

To‘y munosabati bilan kelin-kuyovlarga zamonaviy televizor va 5 mln. so‘mlik sertifikat hamda sunnat to‘yi bo‘layotgan bolajonlarning har biriga velosiped va 1 mln. so‘mlik moddiy yordam berish haqidagi hujjat taqdim etildi.

Ushbu to‘y yoshlarimizning ijtimoiy hayotida muhim ahamiyatga ega bo‘lib, ularni oilaviy hayotga munosib kirishishga yordam beradi. 

O‘zbekiston musulmonlari idorasi
Matbuot xizmati