Sayt test holatida ishlamoqda!
28 Aprel, 2025   |   30 Shavvol, 1446

Toshkent shahri
Tong
03:57
Quyosh
05:25
Peshin
12:26
Asr
17:14
Shom
19:20
Xufton
20:42
Bismillah
28 Aprel, 2025, 30 Shavvol, 1446

E’tirof: Qur’on musobaqasi yurtdoshlarimiz nigohida

16.01.2018   5310   2 min.
E’tirof:  Qur’on musobaqasi yurtdoshlarimiz nigohida

Kecha diyorimizda boshlangan Qur’oni karim musobaqasi barcha yurtdoshlarimiz tomonidan ko‘tarinki ruh, xursandchilik bilan qarshi olindi. Jizzax viloyatining Zomin tumanida bo‘lib o‘tgan kechagi Qur’on bayramini kuzatib borgan hamyurtlarimiz qalblarining tubidagi samimiy dil izhorlarini quyidagicha ifoda etdilar.

G‘iyosiddin Habibulloh nomli foydalanuvchi “Alloh rozi bo‘lsin Prezidentimizdan. Ilohim Prezidentimizning butun ajdodlarining ruhlarini shod qilsin. Avvalambor o‘zlarini va barcha yaqinlarini Alloh panohida asrasin. Avlodlaridan ham olimu fuzalolar chiqsin. Omin”, deb o‘z fikrlarini bayon qilgan.

Ummu Sayfulloh ismli muxlis “Assalomu alaykum. Bu ulug‘ ishlarni bosh tashabbuskori muhtaram Prezidentimiz sog‘-omon bo‘lsinlar! Doimo bunday savob ishlarda boshu qosh bo‘lsinlar!” deya o‘z fikrlarini qoldirgan.

Abduvalijon Hakim “Alhamdulillah hali musulmon ummatiga solih va soliha farzandlar yetishtirib beradigan qoriyalarimiz ko‘p ekan” degan iliq so‘zlarni bitgan.

“Alloh rozi bo‘lsin, xursandligimning chek-chegarasi yo‘q” deya o‘z xursandchiligini namoyon etgan Amina Mamadaliyeva nomli foydalanuvchi.

Yoqibjon Nizomivich “Assalomu alaykum ahli mo‘min va mo‘mina qorilar. Mana biz Koreya davlatidan turib ko‘rib turibmiz, Allohga hamdlar bo‘lsin. Duodamiz hammalaringga ajr savob, ilmlarimizni ziyoda qilsin, omin” deya fikrini yakunlagan.

Nurillo Saydullayev nomli foydalanuvchi 80 yoshdagi onalari “Yurtboshimizni umrlari uzoq bo‘lsin, dunyo turguncha tursinlar” deb duo qilayotganliklarini aytib o‘tganlar.

Ulug‘bek Oybekovich boshqa davlatdagilar ko‘rsa havas qilgudek Qur’on musobaqasi bo‘layotganini aytib o‘tgan: “Tashkil qilgan Prezidentimizga mingdan-ming rahmat. Alloh rozi bo‘lsin!”, deya fikrlariga yakun yasagan.

“Alhamdulillah o‘zbek ayol qizlari ham o‘z ibratlari bilan yurtimizni obro‘sini ko‘taradigan kunlar ham keldi. Allohim davomli qilsin” deya fikr qoldirgan Muslima Davron nomli muxlisa.

Onlay efirlarga qoldirilgan 6 mingdan ortiq izohlarda ijtimoiy tarmoq foydalanuvchilari musobaqaning dastlabki bosqichi haqida o‘zlarining iliq va ijobiy fikrlarini bildirib o‘tganlar. Foydalanuvchilar tashkiliy masalalar bo‘yicha o‘z tavsiya va takliflarini bildirib o‘tganlar.

Ma’lumot uchun, musobaqaning dastlabki bosqichi “muslim.uz” sahifasida 54 mingdan ortiq muxlislar tomonidan ko‘rilgan. Umumiy qamrov esa 265 ming nafarni tashkil etgan.

O‘zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Maqolalar

O‘zbekistonda Imom Moturidiy ilmiy merosiga yuksak e’tibor qaratilmoqda

28.04.2025   783   3 min.
O‘zbekistonda Imom Moturidiy ilmiy merosiga yuksak e’tibor qaratilmoqda

O‘zbekiston Respublikasi Prezidenti Shavkat Mirziyoyevning “Imom Moturidiy tavalludining 1155 yilligini keng nishonlash to‘g‘risida”gi qarori jahon ilmiy jamoatchiligi, ayniqsa turkiy davlatlarda alohida quvonch va xursandchilik bilan kutib olinmoqda.

Jumladan, turkiyalik moturidiyshunos olim va mutaxassislar ushbu tashabbusni tarixiy ahamiyatga ega bo‘lgan muhim qaror sifatida baholamoqdalar. Anqara Yildirim Boyazid universiteti professori, doktor Ahmad Yildirim tomonidan e’lon qilingan maqola fikrimizning yorqin dalili bo‘la oladi. Maqolada yurtboshimiz qabul qilgan mazkur qaror buyuk mutafakkir ajdodlarimizning boy ilmiy-ma’naviy merosini chuqur o‘rganish, qayta tiklash va uni jahon hamjamiyatiga tanitish yo‘lidagi muhim qadam sifatida e’tirof etilgan.

Maqolada Imom Moturidiyning islom tafakkuri tarixida tutgan o‘rni alohida ta’kidlangan. Unda bayon etilishicha, Imom Moturidiy ilmiy merosi bugungi globallashuv davri muammolarini hal etishda muhim o‘rin tutadi. Imom Moturidiy o‘z davrida nafaqat diniy, balki falsafiy, axloqiy va ijtimoiy masalalarni ham qamrab olgan mukammal tizimni yaratgan. Moturidiylik ta’limoti asosan aql va hikmatga tayangan holda, insonning axloqiy mas’uliyatiga urg‘u qaratadi.  

Ahmad Yildirimning ta’kidlashicha, Imom Moturidiyning hikmatga asoslangan tafakkur tizimi bugungi kun odami hayotdan ma’no izlash jarayonida duch kelishi mumkin bo‘lgan muammolarga ham yechim bera oladi. Maqolada e’tirof etilgan so‘zlar e’tiborga molik: “Imom Moturidiyning bugungi kunimiz uchun ham ahamiyatli bo‘lgan qarashlarini yanada chuqurroq o‘rganish, ularni yuzaga chiqarib, insoniyat taraqqiyotiga safarbar qilish lozim. Shundan kelib chiqqan holda maxsus tadqiqotlar zarurligi ayni haqiqatdir. Mana shuni anglagan holda O‘zbekistonda 2025 yil Imom Moturidiyning 1155 yilligini nishonlash yili deb e’lon qilindi”.

Shuningdek, Ahmad Yildirim O‘zbekiston Prezidentining “Imom Moturidiy tavalludining 1155 yilligini keng nishonlash to‘g‘risida”gi qaroriga muvofiq amalga oshiriladigan ishlar, jumladan, “Moturidiylik – bag‘rikenglik, mo‘tadillik va ma’rifat ta’limoti” mavzusida xalqaro konferensiya o‘tkazish, talabalar o‘rtasida moturidiylik ta’limoti bo‘yicha musobaqa va davra suhbatlarini tashkil etish, moturidiylik allomalari hayoti va ilmiy merosiga oid xorijiy mamlakatlarda saqlanayotgan noyob qo‘lyozma va boshqa madaniy boyliklarni aniqlash hamda ularning nusxalarini O‘zbekistonga olib kelish kabi tadbirlarni ham alohida e’tirof etgan.

Ahmad Yildirim o‘z maqolasini quyidagicha yakunlaydi: “O‘zbekiston Prezidenti Shavkat Mirziyoyev Janobi Oliylarining oqilona rahbarligi hamda 2025 yilda Imom Moturidiy tavalludining 1155 yilligini nishonlashga oid qarori ortidan Movarounnahrda Islom sivilizatsiyasi tarixini o‘zgartirgan allomalarning avvalgi safida turuvchi Imom Moturidiyni xotirlash va uning fikrlarini qayta jonlantirish, yosh avlodni adashgan mutaassib oqimlar tuzog‘iga tushib qolishining oldini olish, shuningdek, insoniyatga bugungi kunda odamlar o‘tmishdagidan ko‘ra ko‘proq muhtoj bo‘lgan tinchlik, bag‘rikenglik va yuksak ishonch madaniyatini taqdim etadigan yangi Islom sivilizatsiyasi binosini barpo etish yo‘lida yana bir muhim qadam qo‘yilgan bo‘ladi”.

O‘zA

MAQOLA