Islom hamkorlik tashkiloti Bosh kotibi Doktor Yusuf bin Ahmad al-Usaymin 2018 yilning 11 yanvar kuni Tashkilot qarorgohida Gambiyaning Islom hamkorlik tashkilotidagi doimiy vakili Umar Jibril Sabohni qabul qildi.

Uchrashuvda Umar Jibril Saloh Gambiya tashqi ishlari vazirining 2019 yilning boshida Gambiya poytaxti Bangal shahrida o‘tkazilishi kutilayotgan Islom hamkorlik tashkilotining oliy darajadagi konferensiyasiga hozirlik ko‘rishga taalluqli bo‘lgan maktubini Doktor Yusuf al-Usayminga topshirdi.

Shuningdek, uchrashuv chog‘ida tomonlar kelgusida Gambiyada bo‘lib o‘tadigan Islom hamkorlik tashkilotining navbatdagi xalqaro oliy konferensiyasiga tayyorgarlik ko‘rish tartibotlari, unda islom olami davlatlari uchun dolzarb bo‘lgan masalalar, jumladan, Islom hamkorlik tashkiloti bilan Gambiya o‘rtasidagi hamkorlik munosabatlarini mustahkamlashga doir mavzular muhokama qilindi.

Ilyos AHMЕDOV

tayyorladi

O‘MI Matbuot xizmati