Musobaqada qatnashuvchilarni ro‘yxatga olish jarayoni hali davom etmoqda, deb xabar beradi Qur’on musobaqasini o‘tkazish bo‘yicha Tashkiliy qo‘mita.

Tashkiliy qo‘mitaning O‘zbekiston musulmonlari idorasi Matbuot xizmatiga ma’lum qilishicha, musobaqada ishtirok etish uchun joriy yilning 9 yanvar holatiga ko‘ra, Respublika bo‘yicha 847 nafar erkak va 284 nafar ayol kishi jami 1101 nafar yurtdoshlarimiz hujjat topshirishgan. Yodingizda bo‘lsa bu raqam kechagina 733 tani tashkil etgan edi. Bugun esa 1101 kishi, bir kundagi farqni ko‘ring. Bu esa, xalqimizning Allohning kalomiga bo‘lgan cheksiz muhabbatidan dalolat.

Eslatib o‘tamiz, Qur’on musobaqasida 18 yoshdan 40 yoshgacha bo‘lgan barcha fuqarolarimiz hifz va tilovat yo‘nalishlari bo‘yicha qatnashishlari mumkin. Ishtirokchilarini ro‘yxatga olish 13 yanvar kuniga qadar davom etadi.

O‘MI Matbuot xizmati