Toshkent shahar xalq deputatlari tuman Kengashlariga Tadbirkorlar va ishbilarmonlar harakati – O‘zbekiston Liberal-demokratik partiyasidan 114, O‘zbekiston “Milliy tiklanish” demokratik partiyasidan 45, O‘zbekiston Xalq demokratik partiyasidan 41, O‘zbekiston “Adolat” sotsial-demokratik partiyasidan 33, shuningdek, fuqarolarning o‘zini o‘zi boshqarish organlaridan 46 nafar fuqaro deputat etib saylandi. Bu haqda O‘zA xabar berdi.

Bu haqda 24 dekabr kuni Toshkentda bo‘lib o‘tgan Toshkent shahar xalq deputatlari tuman Kengashlari saylovining dastlabki natijalariga bag‘ishlab ommaviy axborot vositalari vakillari uchun o‘tkazilgan brifingda ma’lum qilingan edi.

279-saylov okrugida deputatlar saylandi. O‘zbekiston Respublikasining “Xalq deputatlari viloyat, tuman va shahar Kengashlariga saylov to‘g‘risida”gi Qonunining 42-moddasiga asosan 51-saylov okrugida takroriy ovoz berish o‘tkaziladi.

Takroriy ovoz berish ikki hafta ichida qonun talablariga rioya etgan holda o‘tkaziladi.

Saylanganlarning 65 nafarini xotin-qizlar, 17 nafarini 30 yoshgacha bo‘lganlar tashkil etadi.

Iqtisodchilar 78 nafar, pedagoglar 55 nafar, muhandislar 45 nafar, shifokorlar 38 nafar, huquqshunoslar 22 nafar va boshqa kasb egalari 41 nafarni tashkil etadi.