Rasululloh s.a.v.ning duolari
Rasululloh sollallohu alayhi vasallam aytadilar: “Alloh taoloning qabul etishiga ishongan holda duo qilinglar. Chunki U g‘aflatdagi qalb duosini qabul etmaydi”
(Termiziy, Hokim rivoyati).
“Yo Alloh, Sendan foydasiz ilm, qabulsiz amal va ijobatsiz duodan panoh tilayman”
(Imom Ahmad, Bayhaqiy rivoyati).
“Yo Alloh, jismimni qanday chiroyli yaratgan bo‘lsang, xulqimni ham shunday chiroyli qilgin”
(Imom Ahmad rivoyati)
“Yo Alloh, Sendan qashshoqlikdan, yetishmovchilikdan, xorlikdan, birovga zulm qilishdan yoki zulm qilinishdan panoh tilayman”
(Abu Dovud, Nasaiy, Ibn Moja rivoyati).
“Yo Alloh, Sendan g‘am-tashvishdan, xafalikdan, ojizlikdan, dangasalikdan, baxillikdan, qo‘rqoqlikdan, qarzdorlikdan va xorlikdan panoh tilayman”
(Buxoriy, Muslim, Nasaiy rivoyati).
“Yo Alloh, meni ilm bilan boyit, hilm bilan bezat, taqvo bilan mukarram et, xotirjamlik bilan go‘zal qil!”
(Ibn Najjor rivoyati).
Buxorolik hojilarning dastlabki guruhi kutib olindi
Haj amallarini ado etgan buxoroliklarning dastlabki guruhi Ona Vatanimizga eson-omon yetib keldi. Hojilarni O‘zbekiston Musulmonlari Idorasi Buxoro viloyati vakillari, viloyat Din ishlari bo‘yicha qo‘mita hamda mutasaddi tashkilotlar vakillari kutib oldi.
Hojilar o‘zlari uchun ajratilgan maxsus avtobuslarda “Fayzobod” masjidi tomon yo‘l oldi va katta xursandchilik bilan kutib olindi.
Zarif Komilov,
O‘zA muxbiri.
