“Arab tili” fani bo‘yicha pullik o‘quv kurslari tashkil etildi
O‘zbekiston musulmonlari idorasi tasarrufidagi diniy ta’lim muassasalarida “Arab tili” fani bo‘yicha pullik o‘quv kurslari tashkil etildi. Mazkur o‘quv kurslari 2018 yilning 2 yanvaridan boshlab o‘z faoliyatini boshlaydi.
O‘quv kurslarida tahsil olish istagida bo‘lgan tinglovchilarning hujjatlari 2017 yilning 25-27 dekabr kunlari soat 09:00 dan 17:00 gacha barcha ta’lim muassasalarida qabul qilinadi.
O‘quv kurslariga O‘zbekiston Respublikasining “Vijdon erkinligi va diniy tashkilotlar to‘g‘risida”gi qonuniga muvofiq 18 yoshga to‘lgan O‘zbekiston Respublikasi fuqarolari suhbat asosida qabul qilinadi.
Tinglovchilar diniy ta’lim muassasasiga quyidagi hujjatlarni taqdim etadi:
- rektor nomiga ariza;
- sog‘ligi haqida tibbiy ma’lumotnoma (U-086-shakl);
- pasport nusxasi (asli ko‘rsatiladi);
- 4 dona fotosurat (3,5 x 4,5 hajmdagi);
- yashash joyidan ma’lumotnoma;
O‘quv kurslari bo‘yicha qiziqtirgan savollar yuzasidan quyidagi telefon raqamlariga murojaat qilish mumkin:
- Imom Buxoriy nomidagi Toshkent islom instituti (+99871-227-42-37).
- Mir Arab oliy madrasasi (Buxoro viloyati, +99894-604 45 97).
- “Ko‘kaldosh” o‘rta maxsus islom bilim yurti (Toshkent shahri, +99871-242 10 82).
- “Xadichai Kubro” ayol-qizlar o‘rta maxsus islom bilim yurti (Toshkent shahri, +99871-299 24 11).
- “Xoja Buxoriy” o‘rta maxsus islom bilim yurti (Qashqadaryo viloyati, Kitob shahri, +99875-542 74 25).
- “Mir Arab” o‘rta maxsus islom bilim yurti (Buxoro viloyati, Buxoro shahri, +99895- 600 45 97).
- “Jo‘ybori Kalon” ayol-qizlar o‘rta maxsus islom bilim yurti (Buxoro viloyati, Buxoro shahri, +99865-221 77 44).
- “Sayyid Muhyiddin maxdum” o‘rta maxsus islom bilim yurti (Andijon viloyati, Andijon shahri, +99895-201 68 70).
- “Hidoya” o‘rta maxsus islom bilim yurti (Namangan viloyati, Namangan shahri, +99869-226 60 60).
- “Faxriddin ar-Roziy” o‘rta maxsus islom bilim yurti (Xorazm viloyati, Urganch shahri, +99895-606 92 55).
- “Muhammad al-Beruniy” o‘rta maxsus islom bilim yurti (Qoraqalpog‘iston Respublikasi, Nukus shahri, +99861-229 03 20).
Diniy ta’lim sohasida ilk bor Respublika anjumani bo‘lib o‘tadi
Joriy yilning 19-20 avgust kunlari O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani Islom sivilizatsiyasi markazida bo‘lib o‘tadi.
Davlatimiz Rahbari tomonidan har jabhada olib borilayotgan yangilanish va islohotlarga hamohang tarzda Diniy idora tarixida ilk bor o‘tkazilayotgan ushbu tadbirda jami 700 nafar pedagog va soha mutaxassisi, jumladan, 300 nafar ishtirokchi bevosita anjuman zalida, 400 nafar ishtirokchi esa hududlardan videoselektor orqali qatnashadi.
Anjumandan ko‘zlangan maqsad sohadagi istiqbolli rejalarni muhokama qilish, diniy ta’limda pedagogik va kasbiy mahoratni oshirish, ta’lim jarayoniga zamonaviy texnologiyalarni yanada keng tatbiq etish hamda diniy ta’limni yangi bosqichga olib chiqishdir.
Dastur doirasida soha rahbarlari ishtirokida tahliliy ma’ruzalar, taniqli professorlar tomonidan mahorat darslari, ilmiy-metodik mashg‘ulotlar bo‘lib o‘tadi. Shuningdek, ishtirokchilar O‘zbekiston musulmonlari idorasi, Islom sivilizatsiyasi markazi bilan yaqindan tanishib, Hazrati Imom majmuasidagi tarixiy qadamjo va obidalarni ziyorat qilishadi.
O‘zbekiston musulmonlari idorasi Matbuot xizmati
