Haqli e’tiroflar ruknidan: Mahatma Gandi
Men dunyoda yashab turgan millionlab insonlarning qalblarini to‘lqinlantirgan odam hayotini yanada chuqurroq bilishni xohladim va o‘sha davrdagi odamlarning hayot tarziga Islom qilich bilan kirib bormaganiga qayta-qayta ishonch hosil qildim. Payg‘ambar Muhammad (sollalohu alayhi vasallam)ning sodda hayot kechirishlari, o‘zlarini cheksiz hokisor tutishlari, zimmalaridagi majburiyatlarini so‘zsiz bajarishlari, sahobalarga butun borliqlarini baxshida qilishlari, jasurliklari, Yaratganga va o‘z ishlariga mutlaq ishonishlari kabi sifatlari, U zotni har qanday to‘siqdan muvaffaqiyatli o‘tishga yordam berdi, unutmang, qilich emas. Muhammad (sollalohu alayhi vasallam) tarjimayi holining ikkinchi bobini tugatganimda, afsuski, ushbu buyuk inson hayotining davomini o‘qish shaxsan men uchun emas ekan, deb hisobladim.
Alisher SATTAROV
O‘MI Xalqaro bo‘limi xodimi
Buxoroda 600 dan ortiq abituriyent imtihon topshirdi (fotolavha)
O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026-2027 o‘quv yili uchun kirish test sinovlarining 5-hudud (Buxoro viloyati) bo‘yicha imtihon jarayonlari Mir Arab oliy madrasasi binosida bo‘lib o‘tdi.
Mazkur hudud bo‘yicha diniy ta’lim muassasalariga hujjat topshirgan 657 nafar abituriyent test sinovlarida ishtirok etdi.
Imtihonlarning shaffofligi, adolatliligi hamda tartib-intizomini ta’minlash maqsadida jarayonlarga Din ishlari bo‘yicha qo‘mita va O‘zbekiston musulmonlari idorasi mas’ul rahbarlari, diniy ta’lim muassasalari mutasaddilari, pedagog-o‘qituvchilar hamda ichki ishlar va tibbiyot xodimlari jalb etildi.
Test sinovlari boshlanishidan oldin abituriyentlarga imtihon topshirish tartibi va baholash mezonlari batafsil tushuntirildi. Barcha jarayonlar belgilangan talab va qoidalarga muvofiq, yuqori darajada tashkil etildi.
Tashkilotchilar test jarayonlarining shaffof va tartibli o‘tishiga yaqindan ko‘maklashgan Buxoro shahar ichki ishlar organi, sog‘liqni saqlash boshqarmasi tibbiyot xodimlari hamda diniy ta’lim muassasalari vakillariga o‘z minnatdorligini bildirdilar.
O‘zbekiston musulmonlari idorasi
Matbuot xizmati
