Soxta salafiylarning navbatdagi ajoyibotlaridan
من غرائب فتاوى الوهابية
تحريم لقب ( حاج )؛ لمن حج بيت الله الحرام
▪️Soxta salafiylar,
"Haj amalini bajargan musulmonni hoji deb aytmoqlik haromdir deydilar".
▪️Haj amalini bajargan kishini falonchi hoji deb laqab qo'yish haromdir... deyishadi-yu o'zlari Alboniy rohimahullohga muhaddis deb laqab qo'yishgan..
▫️Aytamizki avvalo laqab bilan ismni ajratib olishimmiz kerak. Laqab uchun biror bir sabab bo'ladi.
▫️Sayidimmiz xazrati Abu Bakrni rostgo'yliklari uchun Siddiq deb, hazrati Umarni haq bilan botilni ajratganlari uchun Faruq deb nomlaganlar.
▫️Ibodat bo'lmish ro'za amalini ko'p bajaruvchiga sovvom, kechalari ko'p ibodatda bo'luvchini qovvam, fiqh bilan shug'illanuvchini esa faqih deyiladi.
▫️Shunga ko'ra haj ibodatini bajargan kishiga hoji deyishlikda haraj yo'q.
Imom Navaviy o'zlarini Majmu'alarida:
قال النووي في المجموع :
( يجوز أن يقال لمن حج : حاج ، بعد تحلله ، ولو بعد سنين ، وبعد وفاته أيضاً ، ولا كراهة في ذلك )8/281
▫️Haj amalini bajarib bo'lgan kishini hoji deyishlik joizdir. Hattoki, vafot etgan bo'lsa ham hoji deyishlikda karohiyat yo'qdir.
Imom Subkiy rohimahulloh Hasson ibn Sa'id hojiyning tarjima holida:
وقال السبكي في ترجمة : حسان بن سعيد الحاجِّي : ( وأما الحاجي فلغة العجم في النسبة إلى من حج ، يقولون للحاج إلى بيت الله الحرام : حاجِّي ) ا هـ
▫️"Hoji deb ajam lug'atida Baytullohni haj qilgan kishiga nisbatan aytiladi" deydilar.
Faxriddin domla Shayzaqov
Jizzax shahar "Qaliya" jome masjidi imom - xatibi
YUNЕSKO bilan O‘zbekiston mahalla tizimi tajribasini xalqaro darajada targ‘ib qilish masalasi muhokama qilindi
O‘zbekiston va YUNЕSKOning Nomoddiy madaniy merosni muhofaza qilish to‘g‘risidagi konvensiyasi kotibiyati vakillari o‘rtasida onlayn uchrashuv bo‘lib o‘tdi, deb xabar bermoqda “Dunyo” AA.
Mamlakatimizning YUNЕSKO huzuridagi Doimiy vakolatxonasi ko‘magida tashkil etilgan muloqotda mahalla bilan bog‘liq madaniy an’ana va urf-odatlar, ularni xalqaro darajada targ‘ib qilish istiqbollari muhokama qilindi.
YUNЕSKOning Nomoddiy madaniy merosni muhofaza qilish to‘g‘risidagi konvensiyasi kotibi Fumiko Oxinata va Osiyo-Tinch okeani mintaqasi uchun mas’ul dastur mutaxassisi Nikolas Tan mavzu yuzasidan o‘z fikr-mulohazalarini bayon etdi.
O‘zbekiston tomonidan Tashqi ishlar vazirligi, O‘zbekiston mahallalari uyushmasi hamda YUNЕSKO huzuridagi Doimiy vakolatxonasi vakillari mahallaning ko‘p asrlik tarixi, uning jamiyat hayotidagi alohida o‘rni va milliy an’analarni saqlashdagi ahamiyati haqida so‘z yuritdi.
Uchrashuvda mahalla O‘zbekiston xalqi turmush tarzining ajralmas qismi ekani ta’kidlandi. U insonlarni yaxshi qo‘shnichilik, o‘zaro yordam, hamjihatlik va katta avlod vakillariga hurmat tamoyillari asosida birlashtiradi.
YUNЕSKO Kotibiyati vakillari taqdim etilgan materiallarga katta qiziqish bildirdi. Ular O‘zbekistonda mahalla bilan bog‘liq shakllangan jamoat hayoti tartibining o‘ziga xos xususiyatlarini e’tirof etdi.
Suhbat davomida O‘zbekistonning nomoddiy madaniy merosni targ‘ib qilishdagi roli alohida qayd etildi. Shu nuqtayi nazardan, o‘zbek mahalla tizimi tajribasi YUNЕSKO Kotibiyati mutaxassislarida katta qiziqish uyg‘otdi.
O‘zbekiston musulmonlari idorasi Matbuot xizmati
